The Online Froissart

Facsimile mode Settings Browse | Collate

pb 235 r

perdre. ¶ De tous ceulx qui pour ce
temps arriverent a Lusebonne, je n’y oÿ
nommer nul chevalier, mais que trois
escuiers angloiz qui estoient leurs ca
pitaines. L’un appelloit on Nortberi, l’au
tre Marteberi et le tiers Huguelin de
Hartecelle. Et n’y avoit nulz de ces trois
qui n’eust d’aage plus de cinquante ans,
lesquelz estoient bons hommes d’armes
et tous stilléz et usagiéz

de fait de guerre.
De la venue de ces Anglois furent les
Lusebonnois

grandement resjouys, et
aussi fu le roy de Portingal qui les voult
veoir, et vindrent ou palais devant le
roy. Le roy en ot grant joye et leur de
manda se le duc de Lencastre les envoi
oit la. "Par ma foy, sire," respondi Nortberi,
"nous ne veismes le duc de Lencastre
grant temps a, ne il ne scet riens de
nous, ne nous de li. Nous sommes gens
de pluseurs sortes qui demandons les
armes et les aventures. Il en y a de telz
qui vous sont venu servir de la ville
de Calais." "Par ma foy," dist le roy, "ilz soi
ent — et vous tous — li bienvenus. Vostre
venue me fait grant bien et grant joie,
et sachiéz que je vous embesoigneray
temprement. Nous avons ycy esté
un moult long temps enclos, et tant que
nous en sommes tous ennuyéz, mais
nous prendrons la largesce des champs
aussi bien que noz ennemis ont fait."
Si respondirent ces capitaines angloiz:
"Nous ne desirons autre chose, et nous
vous prions que nous puissions bien
briefment veoir voz ennemis." Le roy de
Portingal en fist disner de ces nouve
aulx venus en son palais a Lusebonne
plus de deux cens, et commanda que
eulx tous feussent logiéz en la cité, bien
a leur aise. Ilz le furent, et tantost paiéz
de leurs gaiges pour trois moys, et mist
le roy clercs en oeuvre, et fist lettres

escripre et seeller, et envoia par tout son
royaume en mandant et commandant sur
quanque on se pouoit meffaire, que toutes
gens portans armes se traisissent vers Lu
sebonne.
SHF 3-35 sync Tous ceulx a qui les lettres du roy Jehan
de Portingal vindrent n’obeirent
pas, mais demourerent trop de gens en leurs
hostelz, car les trois païs du dit royaume
se dissimuloient a l’encontre de ceulx de Luse
bonne, pour tant que ilz avoient couronné
ce roy qui estoit bastart, et en disoient lors
grosses paroles en derriere, et pour le grant
trouble et different que le roy de Cas

tille
et son conseil veoient ou païs de Portingal,
s’avançoient ilz ainsi en entencion de le
conquester. Et disoient que il n’y couvenoit
que une journee de bataille, et se ceulx
de Lusebonne pouoient estre ruéz jus, le
demourant du paÿs en seroit tout resjouy,
et getteroient hors du païs ce maistre Denis,

ou ilz l’occiroient, et que ce estoit terre de
conquest pour lui, car sa femme en estoit
droite heritiere. ¶ Asséz volentiers et legie
rement s’en feust deportéz de la guerre le
roy Jehan de Castille, mais ses gens ne le
vouloient pas, mais le enhardissoient et
disoient que il avoit juste cause et querelle
a la guerre. Quant le roy de Portingal vit
que son mandement et commandement,
de trop de son peuple dont il pensoit a es
tre servis, desobeissoient, si fu tout pensif
et merancolieux. Si appella ses plus fea
bles de Lusebonne et les chevaliers de son
hostel qui avoient rendu paine a son cou
ronnement, et qui avoient servy le roy Fer
rant son frere, messire Jehan Radigos et
messire Jehan Teste d’Or, le seigneur de la Figie
re et messire Gomme de Cabeston, Ambroise
Coudrich et Pierre Coudrich son frere, et
messire Onges Navaret, un chevalier de Cas
tille qui estoit tournéz Portingalois, car
le roy damp Jehan l’avoit enchacié hors pb 235 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.