Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 237 r | Next
pb 237 r

usagiéz d’armes et qui le plus avoient
veü. Si leur fu demandé quel conseil ilz
donnoient pour attendre l’aventure
et la bataille, car il estoit vray que
combatre les couvenoit; car les enne
mis leur approchoient fort qui estoient
grant foison — bien largement quatre
contre un — dont respondirent les An
glois et distrent: "Puisque nous arons
la bataille et qu’ilz sont plus de gens
que nous ne sommes, c’est une chose mal
partie; si ne la pouons conquerre, fors
que par prendre avantaige. Et se vous
savéz pres de ci nul lieu ou il ait avan
taige de haies ne de buissons206, si nous
faictes aler celle part. Nous la venuz, nous
nous fortifierons par tele maniere que
vous verréz, et que nous ne serons pas
si legier a entamer et a entrer en nous
comme se nous feussions emmi ces
plains." Lors dist le roy: "Vous parléz
sagement et il sera ainsi fait."
SHF 3-37 sync Au conseil des Angloiz se sont
arrestéz le roy de Portingal et
li Lusebonnois, et ont getté leur advis
ou ilz se trairont. Vous devéz savoir que
asséz pres de la ou ilz estoient, siet la
ville de Juberot, un grant village, ou
quel les Lusebonnois avoient envoié
toutes leurs pourveances, leurs som
miers et leur charroy, car ilz avoient
entencion que ce soir ilz y vendroient
logier, eussent bataille ou nom, se du
jour ilz pouoient issir a honneur. Au
dehors de la ville, ainsi comme au quart
d’une lieue, a une grant abbaie de moi
nes207 ou ceulx de Juberot et autres villa
ges vont a la messe, et siet ceste eglise
un petit hors du chemin en une motte
advironnee de grans arbres et de haies
et de buissons, et y a asséz fort lieu parmi
ce que on y aida adonc. Il fu dit en la

presence du roy et de son conseil, du roy
et son conseil,
et des Anglois qui la estoi
ent appelléz, car combien que ilz ne feus
sent que un petit, si vouloit le roy ouvrer
grandement par leur conseil: "Sire, nous
ne savons pres de ci plus appareillié lieu
ne plus propice, que Juberot. Vela le mous
tier entre ces arbres. Il siet en forte place
asséz, avec ce que on y pourra bien aidier."
Ceulx qui congnoissoient le paÿs distrent:
"Il est verité." Donc dist le roy: "Traions nous
de celle part et nous ordonnons la par tel
maniere et par tel conseil que gens d’ar
mes doivent faire, par quoy noz ennemis,
quant ilz venront sur nous, ne nous treu
vent pas desgarnis ne vuit d’avis et de
conseil." Tantost fu fait; on se traist le petit
pas vers Juberot, et sont lors venuz en la
place de l’eglise. Adonc ont les Anglois
et messire Mongés, Navaret et aucun vail
lant homme de Portingal et de Lusebonne
qui la estoient, aléz tout a l’environ pour
le mieulx adviser. Si distrent li Anglois:
"Véz ci lieu fort asséz, parmi ce que on y aide
ra, et pourrons bien seurement et hardie
ment attendre ci l’aventure." Lors firent
ilz au costé devers les champs abatre les
arbres et couchier de travers, afin que de
plain on ne peust chevauchier sur eulx, et
laissierent un chemin ouvert, qui n’estoit
pas d’entree trop larges. Et mistrent ce
que ilz avoient d’archiers et d’arbalestri
ers sur les deux esles de ce chemin208, et
les gens d’armes tout de pié ou beau plain,
et le moustier a leur costé, ouquel roy de
Portingal se tenoit, et avoient la mis leur
estandart et les banieres du roy. Quant
ilz se virent ainsi ordonnéz, ilz eurent grant
joye et distrent, se il plaisoit a Dieu, ilz
estoient bien en place pour eulx tenir lon
guement et faire bonne journee. La leur
dist le roy: "Beaux seigneurs, soiéz huy pb 237 v