Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 238 r | Next
pb 238 r

roy: "Sire, nous ferons bien, se Dieu plaist,
tant que nous en arons la grace et l’a
mour de vous." Ainsi se ordonnerent les
Portingalois que je vous di, et se fortifie
rent pres de l’eglise de Juberot en Portin
gal, et n’y ot ce jour nul Anglois qui voul
sist devenir chevalier; si en furent bien
li aucuns requis et admonnestéz du roy,
mais ilz s’escuserent pour ce jour211. Or vous
parlerons de l’ordonnance des Espaignolz,
comment ilz s’ordonnerent contre les
Portingalois.
SHF 3-38 sync Or retournerent devers le roy
damp Jehan de Castille et les che
valiers et escuiers et gens d’armes de
France et de Gascoingne qui la estoient,
les chevaucheurs de leur costé, lesquelz
ilz avoient envoyé pour adviser leurs
ennemis, et rapporterent telz nouvelles
en disant ainsi: "Sire roy, et vous, barons
et chevaliers qui ci estes presens, nous
avons chevauchié si avant que propre
ment nous avons veü les ennemis, et
selon ce que nous pouons adviser et
considerer, ilz ne sont pas X mille hom
mes en toute somme, et se sont trais
vers le moustier de Juberot, et droit
la se sont ilz arrestéz et mis en ordonnance
de bataille, et la les trouvera qui avoir
les vouldra." Adonc appella le roy de Cas
tille son conseil, et par especial les barons
et chevaliers de France, et leur demanda
quel chose en estoit bon affaire. Il fut
en l’eure respondu: "Sire, c’est bon que ilz
soient combatus. Nous n’y veons autre
chose, car selon ce que ont rapporté noz
chevaucheurs, ilz sont effraiéz et en grant
doubte pour tant que ilz se sentent loing
de toutes forteresces ou ilz se puissent
retraire. Lusebonne leur est loing a
VI lieues: ilz n’y pevent courir a leur
aise que ilz ne soient ratains sur le

chemin. Non, se ilz ne prenoient ce soir l’a
vantaige de la nuit. Si conseillons, sire
roys, puisque nous savons ou ilz sont, que
nous ordonnions noz batailles et les alons
combatre, endementres que voz gens sont
entalentéz de bien faire." Lors demanda le
roy a ceulx de son paÿs leur oppinion, c’est
assavoir a messire Daghoméz Mendruich,
messire Digho Persement, Pierre Goussart
de Montdesque et Pierre Ferrant de Vales
que, et le grant maistre de Calestrave, les
quelz respondirent a la parole du roy et
a sa demande, et distrent: "Monseigneur, nous a
vons bien entendu ces chevaliers de France,
et veons et oyons qu’ilz vous conseillent
a aler chaudement combatre voz enne
mis. Nous voulons bien que ilz saichent,
et vous aussi, que avant que nous soions
jusques a la et entr’eulx, il sera tart; car
vous veéz le souleil comment il tourne,
et si n’avons encores pas ordonnees noz
batailles. Si est bon que nous attendons
le matin, et les approchons de si pres que
nous saichons par noz espies et par noz
chevaucheurs que nous espartirons sur
les champs en pluseurs lieux, leur conte
nement; affin que, s’il advient ainsi que
sur le point de mienuit ilz se deslogeassent
et se voulsissent retraire, nous nous des
logerions aussi. Ilz ne nous pevent fuir
ne eschapper; ilz sont en plain paÿs. Il n’y a
place ne lieu fort, excepté le lieu ou ilz sont,
de ci a Lusebonne, que nous ne les puis
sons avoir a nostre aise. Et ce conseil nous
vous donnons." Adonc se tut le roy
un petit et baissa la teste, et puis regarda
sur les estrangiers. Et lors parla messire
Regnault Lymosin, le quel estoit — si comme
vous savéz — mareschal de tout l’ost, et dist
pour complaire aux François, en langaige
espaignol afin qu’il feust miex ouys et
entendu, car bien le savoit parler, tant avoit pb 238 v