The Online Froissart

Facsimile mode Settings Browse | Collate

pb 239 r

France²¹⁴ et de Berne, et la furent faiz
chevaliers de la main du roy messire
Rogier d’Espaigne, Aymon filz a messire
Rogier, de la conté de Fois messire Bertran
de Baroge, messire Pierre de Salebiere,
messire Pierre de

Valentun, messire Guil
laume de Queo,

messire Angiers Solena
re, messire Pierre de Vande, messire Gieu
froy de Partenay, messire Guillaume
de Montdigi, et tant que uns que au
tres: il en y ot bien cent et quarante,
lesquelz prindrent de grant volenté
l’ordre de chevalerie. Et mistrent hors
premierement pluseurs barons de Berne
leurs banieres, et aussi pluseurs de Cas
tille, et aussi fist messire Jehan de Rie.
La peussiéz veoir entre ces nouviaux
chevaliers toute friqueté, joliveté et
apperteté, et se maintenoient si bel
et si courtoisement que grant plaisan
ce estoit du regarder. Et estoient comme
je vous di une belle grosse bataille. Si
s’en vindrent devant le roy le sire
de Longnach et li autre, de quelque
nacion que ilz feussent, puisque ilz
n’estoient point des Espaignolz, et que
ilz n’estoient point du païs, on les nommoit
tous et tenoit qu’ilz estoient estrangiers²¹⁵.
Et dirent au roy et requirent, eulz tous
ensemble, et meesmement, les plus
notables arméz de toutes pieces hors
mis le bacinet: "Sire roy, nous vous
sommes de grant volenté et de loing
tain paÿs venu servir. Si nous faictes
celle grace que nous aions la premiere
bataille²¹⁶." "Je la vous accorde", dist le roy,
"ou nom de Dieu et de saint Jaques et
de monseigneur saint George, qui soient
en vostre armee." La distrent li Espaignolz
tout bas, li un a l’autre: "Regardéz pour
Dieu! Regardéz comment nostre roy se con
fie du tout en ces François! Il n’a nulle
parfaite fiance a autrui que a eulx. Ilz

auront et

ont la premiere bataille. Ilz
ne nous prisent pas tant que ilz nous ap
pellent avecques eulx.

Ilz font leur fait
et leur arroy a par eulx, et nous ferons
le nostre a par nous. Et par Dieu, nous
les lairons combatre et convenir de leur
emprinse. Ne se sont ilz pas ja vantéz que
ilz sont gent asséz pour desconfire les
Portingalois? Or soit ainsi, nous le vou
lons bien! mais ce seroit que nous deman
dissons au roy se il veult demourer avec
nous ou aler avecques les François." La
furent en murmure ensemble moult lon
guement, pour savoir se il lui demande
roient ou se il s’en tairoient, car ilz re
soignoient grandement les paroles de
messire Regnault Lymosin. Toutefoiz, tout
consideré ne veoient ilz point de mal a il
demander. Si s’avancierent six des plus
notables et plus prouchains de son corps. En
lui enclinant, lui demanderent ainsi:
"Tres noble roy, nous veons bien et
entendons par apparans signes
que nous arons aujourd’ui la bataille a
voz ennemis. Dieu doint que ce soit a l’on
neur et victoire de vous, et comme nous le
desirons grandement. Or voulons nous sa
voir ou vostre plaisance gist le plus, ou
a estre avecques nous qui sommes vostre feal
et subgiéz, ou a estre avecques les François."
"Nennil," dist le roy, "beaux seigneurs; se je
m’acorde a la bataille avoir avecques ces
chevaliers et escuiers de France qui me sont
venu servir et qui sont vaillans gens et
pourveuz de conseil et de grant confort,
pour ce ne renonce je pas a vous, mais
vueil demourer avecques vous: si m’aide
réz a garder." De ceste response eurent les
Espaignolz grant joie, et s’en contenterent
bien et grandement. Ainssy demoura le roy d’Es
paigne avec ses gens les Espaignols, ou
bien avoit XXM chevalx tous couvers, et messire
Regnault Lymosin estoit en la premiere bataille. pb 239 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.