The Online Froissart

Facsimile mode Settings Browse | Collate

pb 241 r

et cuidoient estre sauvéz, mais non
furent, dont au voir dire ce fu grant
pitié, car chascun occioit le sien, et
qui occirre ne le vouloit, on lui occi
oit entre ses mains, et disoient
Portingalois et Angloiz qui donne
rent ce conseil: "Il vault miex occirre
que estre occis. Se nous ne les occi
ons, ilz se delivreront endementres
que nous entendrons a nous com
batre et defendre, et puis nous occir
ront, car nul ne doit avoir fiance
en son ennemi²²⁶." Ainsi furent la
mors et par tel meschief le sire
de Longnach, messire Pierre de Keo,
le sire de Lespres qui s’appelloit mes
sire Jehan, le sire de Berneque, le
sire des Bordes, messire Bertran de
Baroge, le sire de Moriane, messire
Raimmon d’Ouzach, messire Jehan
Assolegie, messire Mennant de Sare
men, messire Pierre de Salebiere,
messire Estienne de Valentin, mes
sire Raimmon de Corasse, messire
Pierre de Harefane et bien CCC
escuiers du paÿs de Berne. Et des
François, messire Jehan de Rie, mes
sire Gieufroy Richon, messire Gieu
froy de Partenay et

pluseurs autres.
Or regardéz la grant mesaventure,
car ilz occistrent bien ce

samedi²²⁷
au soir de bons prisonniers dont
ilz eussent eu quatre cens mil frans²²⁸,
l’un par l’autre. SHF 3-42 sync Comment le roy
de Castille et toute sa grosse bataille
furent desconfis par le roy de Por
tingal devant le hameau de Juberot.
Quant Lusebonnois, Anglois
et Portingalois eurent deli
vré la place et mis a mort tous
leurs prisonniers, onques homme n’y
fu sauvé se il n’estoit pardevant

menéz au village de Juberot ou tous
leurs charroiz et sommaiges estoient.
Ilz se remistrent tous ensemble de grant
volenté, et meismes sur leur pas qu’ilz
avoient fait pardevant, quant l’avant
garde les vint assaillir. A celle heure
commençoit le soulail a resconser. A
celle heure vint le roy de Castille en
tres puissant arroy a banieres desploi
és²²⁹, et montéz toutes gens sur chevaulx
couvers, en escriant: "Castille!", et entrerent
en ce pas qui fortifié estoit²³⁰. La furent
ilz receuz aux lances et aux hasches,
et greva de premiere venue le trait
grandement leurs chevaulx, et en y ot
par ce parti pluseurs mors et affoléz.
Encores ne savoient pas le roy de
Castille ne ses gens le grant meschief
qui estoit avenu a l’avantgarde, ne que
les François feussent mors, mais cui
doient que ilz feussent

tous prisonniers.
Si les vouloient rescourre, mais c’es
toit trop tart, si comme vous avéz ouy.

¶ La ot dure bataille et fiere et
maint homme renversé par terre. Si
ne l’eurent pas li Portingalois d’avan
taige, mais leur couvint vaillamment
et hardiement combatre, aultrement
ilz eussent esté desconfiz et perdus. Et
ce qui les sauvoit et garentissoit le
plus estoit ce qu’on ne les pouoit ap
prouchier fors que par un pas. La des
cendi le roy de Portingal a pié et prinst
sa hache et s’en vint sur le pas et fist
merveilles d’armes, et en abati trois
ou quatre des plus notables, tant que
tous le ressoingnoient. Et ne laissoient
approchier ses gens leurs ennemis, ne
aussi n’y osoient approchier pour la doub
tance des grans horions que le roy leur
donnoit et delivroit a touz lez. ¶ Je
vous diray une partie de la condicion pb 241 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.