frappoient les coups si grans a l’uys de
la chambre du seigneur que la dame, qui
se gisoit, en estoit toute effraiee. Le chevalier
oioit bien tout ce, mais il ne volt sonner
mot, car il ne vouloit pas monstrer
courage d’omme esbahy, et aussi il estoit
hardi asséz pour attendre toutes aventu
res. Ces tempestemens et effroiz faiz en
pluseurs lieux parmi le chastel dura une
longue espace, et puis se cessa. Quant ce
vint a l’endemain, toutes les mesgnies
de l’ostel s’assemblerent et vindrent au
seigneur a l’eure qu’il fu descouchiéz et
lui demanderent: "Monseigneur, n’avéz
vous point oy ce que nous avons annuit
ouy?"Le sire de Corasse se faigny et dist:
"Non, quele chose avéz vous ouy?" Adonc
lui recorderent ilz comment on avoit
tempesté aval son chastel et retourné
et quassé toute la vaisselle de la cuisine.
Il commença a rire et dist que ilz l’a
voient songié, et que n’avoit esté que
vent. "En nom Dieu," dist la dame, "Je l’ay
bien ouy!" Quant ce vint l’autre nuit
aprés ensuivant, encores revindrent
ces tempesteurs mener plus grant noi
se que devant, et frapper les coups moult
grans a l’uis et aux fenestres de la cham
bre du chevalier. Le chevalier sailli sus
emmy son lit, et ne se pot ne ne se voult
abstenir que il ne demandast: "Qui est ce
la qui ainsi hurte a ma chambre a ceste
heure?"Tantost li fu respondu: "Ce sui je, ce
sui je!" Le chevalier dist: "Qui t’envoie ci?" "Il
m’y envoie le clerc de Casteloigne a qui
tu fais grant tort, car tu li tols les
drois de son heritaige, si ne te lairay en
paix tant que tu lui en auras fait bon
compte et qu’il soit content." Dist li che
valiers: "Et comment t’appelle on qui es
si bon messagier?" "On m’appelle Horton." "Hor
ton," dist li chevaliers, "le service d’un clerc pb 244 v