Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 248 r | Next
pb 248 r

les ariéz, combien que encores ne soit
ce pas, car ainçois que nous aions
conquis La Boufee il nous coustera
de noz gens." "Il est verité", respondi le
seneschal de Carcassonne, qui estoit de
coste lui, "on ne puet estre en telz as
saulx que il n’en y ait de mors ou
de navréz."
A ces paroles respondi messire
Gautier de Pasac et dist: "Je le
vueil bien. Faictes cesser l’assault. Encores
avons nous a aler ailleurs; petit a
petit nous fault reconquerir les chas
teaulx que les pillars tiennent. Se
maintenant ilz se partent a bon mar
chié de nous, une autre foiz retourne
ront ilz par autre parti entre noz mains,
si paieront lors une foiz pour toutes.
Les males oeuvres amainent a ma
le fin265. En mon temps de telz pillars
et de telz robeurs j’en ay fait pendre
et noier plus de VC. Encores vendront
cilz a celle fin." Adonc s’en retournerent
ceulz qui s’embesoignierent du traittier
devers la barriere ou Ernauton de
Batefol les attendoit. Ce dist Guillaume
Alidiel quant il voit Ernauton: "Par
ma foy, Ernauton, vous devéz — et tous
voz compaignons — rendre grans graces
a messire Hugues de Froideville, car
il a fait voz traittiéz tout ainsi comme
vous les demandéz. Vous partiréz
sauvement, vous et le vostre, ce que
porter en pourréz, et seréz conduit jus
ques a Lourde." "Il me souffist", dist Ernau
ton, "puisqu’il ne peut autrement
estre. Sachiéz, Guillaume, que je me
pars envis de mon fort, car il m’a
fait moult de biens depuis la prinse
ou je fu prins au pont a Tournay de
soubz Mauvoisin du bouch d’Espaigne.
Il ot de moy par raençon deux mil

frans. A voir dire, je les ay bien ci dedens
recouvréz et oultre, et grandement je
amoie celle frontiere, car quant je vou
loie chevauchier, trop souvent je trouvoie
bonne aventure qui me sailloit en la main,
d’un marchant de Rabuscen ou de Thou
louse ou de Roddés. Je ne chevauchoie
sans doubte point a faulte que je ne pre
isse quelque chose." Guillaume respondi: "Er
nauton, je vous en croy bien, mais se vous
vous vouléz tourner françois, je vous
feray tout pardonner, et donner mil frans
en vostre bourse, et vous pleigeray de
tout mon vaillant que vous demourréz
bon François, puisque vous y seréz juré."
"Grant merci, Guillaume," dist Ernauton,
"mais ce parti ne vueil je pas, car je
demourray encores Anglois. Je ne saroie,
se Dieu m’aïst, jamaiz estre bon François.
Or retournéz vers voz gens, et leur
dittes que ce jour toute jour nous ordonne
rons noz besoignes, et de matin nous
vous rendrons le fort et nous partirons,
et ordonnéz qui nous conduira en la ville
de Lourde."
Atant se cessa l’assault du chastel
de La Boufee, et se retrairent les
François a leur logeis et passerent la
nuit paix et aise; ilz avoient bien de quoy.
Quant ce vint au matin a heure de tierce
que tous furent appareilliéz en l’ost et que
on ot regardé qui conduiroit les compai
gnons a Lourde, qui devoient rendre le
chastel de La Boufee, on envoia messire
Hugues de Froideville, le seneschal de
Thoulouse, ou chastel pour en prendre la
saisine et possession. Quant il fu venus
jusques a La Boufee, il trouva que le
capitaine Ernauton de Batefol et li
sien estoient tous prests de partir et
avoient troussé tout ce que porter ilz
en vouloient. Si leur ordonna un chevalier pb 248 v