The Online Froissart

Facsimile mode Settings Browse | Collate

Gautier de Pasach tout devant qui y fai
soit merveilles d’armes a son pouoir, et
disoit aux compaignons: "Et comment,
seigneurs, nous tendront meshuy ceste
mardaille? Se ce feussent bonnes gens
d’armes je ne m’en esmerveillasse mie,
car en eulx a plus de fait que il ne doie
avoir en telz garçons comme il y a la
dedens. C’est mon entencion que je vueil
disner ou fort. Or y perra se vous accom
pliréz mon desirier!" A ces motz s’avançoi
ent compaignons qui desiroient a avoir
grace, et assailloient de grant volenté. On
prinst eschielles a foison a l’endroit ou
le grant engin estoit, ouquel les Genevois
arbalestriers se tenoient, et furent dreciéz
contre le mur. Lors monterent toutes
manieres de gens qui monter porent, et
arbalestriers traioient si roit et si ouni
que les defendant ne s’osoient demonstrer.
La entrerent par bel assault les François
en la ville de Cruvale, les espees en la
main, en chaçant leurs ennemis, desquelz
il en y ot mors et occis je ne sçay quans,
et tout le demourant fu prins. On en
tra par les portes en la ville. La fu deman
dé a messire Gautier que on feroit de
ceulx qui estoient prins. Il respondi: "Par
saint George, je vueil que ils soient tous
pendus!" Tantost son commandement
fu fait, et Espaignolet tout devant.
¶ Si disnerent les seigneurs ou chas
tel et le demourant des gens d’armes en
la ville. Et se tindrent la tout le jour,
et rendi messire Gautier le chastel et la
ville au seigneur de Cruvale, et puis or
donna d’aler autre part.

SHF 3-55 sync Aprés la prinse de Cruvale, si comme
vous avéz ouy, se departirent
les seigneurs et leur route, et se mistrent
au chemin devers un fort que on disoit
Le Mesnil, le quel avoit porté moult grant

damaige et destourbier au païs avecques
les autres. Sitost comme ilz furent la
venuz, on l’assailli. Ceulx de dedens se
defendirent, mais grant piece ne fu ce
pas, car par assault ilz furent prins
et le fort aussi, et ceulx tous mors et
pendus qui dedens estoient. Quant
ceulx du Mesnil et ceulx de Rochefort,
deux autres fors d’ennemis, entendi
rent comment messire Gautier de Pa
sach ouvroit ou paÿs et prenoit les
fors, si n’estoit nul prins a merci que
il ne feust mort ou pendu, si se doub
terent grandement de venir a tel fin,
et se partirent de nuit, ne sçay par
conduit dessoubz terre ou autrement,
car encores ces deux chasteaux, Roiz et
Rochefort, sont minéz et furent des
chasteaux anciennement Regnault de
Montauben, et les trouverent les Fran
çois tous vuis quant ilz y vindrent; si
en reprindrent la saisine et les peu
plerent de nouvelles gens et de pour
veances, et puis tournerent leur che
min devers Thoulouse pour venir en
Bigorre, car il y avoit sur la frontiere
de Tharbe deux chasteaulx lesquelz es
toient nomméz, li un le Doz Julien, et
li autre Navaret, que pillars tenoient
qui grandement traveilloient le païs
et la bonne ville de Tharbe et la terre
au seigneur d’Auchin.
Quant messire Gautier de Pasach
et ceulx seigneurs de France
et de la Languedoch se furent reposéz
et rafreschiz trois jours en la bonne
cité de Thoulouse, ilz s’en partirent et
prindrent le chemin de Bigorre, et ex
ploitierent tant qu’ilz vindrent devant
le fort que on dit le Dos Julien, et la
s’arresterent et distrent que ilz n’yroient
plus avant, si en auroient delivré pb 251 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.