The Online Froissart

Facsimile mode Settings Browse | Collate

paÿs, car tout le royaume d’Ermenie
dont il se nommoit roy estoit conquis
et gaignié excepté un fort chastel seant
en mer que on dit Courch, et le tiennent
les Genevois²⁸² pour tant que le chastel
leur est une clef et une issue et entree
par mer en alant en Alixandrie²⁸³ et en
la terre du Soudant, car partout

vont
Genevois et Venitiens marchander
parmi les treuz²⁸⁴ que ilz paient jusques
en la Grande Ynde, la terre au prestre
Jehan, et partout sont ilz bienvenus
pour l’or ou l’argent qu’ilz portent ou
pour les marchandises que ilz eschan
gent en Alixandre, au Caire, a Damas
ou ailleurs qui besoignent aux Sarra
zins, car ainsi fault il que le monde
se gouverne, car ce qui point n’est
en un païs est en l’autre, et pour tant
sont congneues toutes choses²⁸⁵. Et
ceulz qui vont le plus loing et qui
plus s’aventurent sont Genevois; et
vous di que ilz sont par dessus les Ve
niciens seigneurs des pors et des
mers, et les craignent plus et doub
tent les Sarrazins que nulles autres
gens, car par mer ce sont vaillans
hommes et de grant fait, et oseroit
bien envahir et assaillir une gallee
de Genevoiz arméz IIII galees de Sar
razins. Si

eussent les Turs et les
Tartes trop grant dommaige porté
par pluseurs foiz a la crestienté se
Genevois ne feussent, mais pour tant
qu’ilz ont la renommee d’estre sei
gneurs des mers qui marchissent
aux mescreans, ilz ont tousjours L
que galees que grosses nefs armees
courans par mer qui gardent les isles,
premierement l’isle de Chipre, l’isle de
Roddes, l’isle de Scie²⁸⁶ et toutes les bondes
de mer et de Grece jusques a la Turquie,

et tiennent la ville et le chastel de
Pere qui sciet en mer devant la cité
de Constantinoble et le font garder
a leurs fraiz, coulz et despens, et le
rafreschissent trois ou quatre foiz
l’an et garnissent de ce qu’il leur est
neccessité. Les Tartres les Turs y
ont aucunefoiz essaié comment ilz
le peussent avoir, mais ilz n’en pev
ent venir a chief, ainçois quant ilz
y sont venus, y ont plus mis que
prins, car Pere sciet sur vive roche,
et n’y a que une seule entree, et
celle les Genevois ont fortifiee trop
grandement. Encores tiennent li
Genevois un petit pardela Pere la
ville et le chastel de Jason qui est
trop noble chose et trop grant proufit
pour eulx, et pour les paÿs cresti
ens marchissans, car sachiéz que
se Pere et Jason, Scie et Roddes n’estoi
ent, avecques l’aide des Genevois,
les mescreans vendroient courir
jusques a Gaiete, voire jusques a
Napples, au port de Cornet

ou a Romme,
mais ces garnisons qui sont tous
dis bien pourveues de gens d’armes
et de Genevois, de navire et de gal
lees armees leur saillent audevant,
pour la quele doubte ilz ne s’osent
aventurer, fors que sur les frontie
res de Constantinoble en alant vers
la Hongrieet la Bouguerie²⁸⁷. Et se
le noble roy de Chippre, Pierre de
Luzegnon qui fu si vaillant homme
et de si haulte emprinse, et qui con
quist la grant cité d’Alixandre, et
Satalie, eust longuement vescu, il
eust tant donné a faire au Soudant
et aux Turs que depuis le temps
Godefroy de Buillon ilz n’eurent au
tant a faire comme ilz eussent eu, pb 253 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.