Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 254bis r | Next
pb 254bis r

dist au partir: "Aléz vous ent en Hon
guerie devers le conte de Nazara302, le
quel tient terre entre les montaignes
de Melcabee et de Robee par la ou
nous voulons que nous et nostre
empire passe, et li dictes depar nous
que nous li mandons, se il veult de
mourer ne estre en toute sa terre en
paix, que il viengne a obeissance
devers nous, si comme il voit que le
sire de la Palati et le sire de Sathalie
et le sire de Hauteloge ont fait, et
nous appareille passage, et se il est
contredisant ne rebelles a nous, dictes
lui depar nous et lui monstréz de
fait et par exemple, que je mettray
autant de testes pour le destruire
en son paÿs comme il y a en ce sac
de grains de millé." Les ambassadeurs
et messagiers de l’Amorath Baquin se
partirent sur ce point tous confer
méz et adviséz quele chose ilz devoient
faire, et cheminerent tant par leurs
journees que ilz vindrent en Hongue
rie en la terre du conte de Nazara au
descendant des montaignes, et le trou
verent en l’un de ses chasteaulx le
quel on appelle Arcafourne. Le conte,
comme saige et bien advisié, reçut
les ambassadeurs de l’Amorath moult
doulcement et leur fist bonne chiere,
mais il ot trop grant merveille quant
il vit entrer en sa court ce mulet
chargié d’un sac plain ne savoit de
quoy. Si cuida de commencement
que ce feussent besans303 d’or ou pierres
precieuses que l’Amorath lui envoiast
pour lui attraire et convertir, et pour
avoir entree de passage parmi sa terre;
ce disoit il a lui meismes que il ne
le feroit nullement, ne jamais ne
se lairoit corrompre pour nul avoir
qu’on lui sceust presenter.

Or vindrent li message de l’Amo
rath Baquin devant le conte de
Nazara, et distrent ainsi: "Sire de Nazarem,
entendéz nous. Nous somme ci envoiéz
depar hault roy et redoubté nostre souve
rain seigneur l’Amorath Baquin, seigneur
de Turquie et de toutes les appendences.
Et vous disons depar lui que il vous
mande que vous veniéz a obeissance a
li sur la fourme et maniere que vous
veéz. Vous savéz que voz voisins font
et ont fait — le sire de la Palate, le sire de
Hauteloge et le sire de Sathalie — hommage
envers lui. Si ouvréz vostre païs a l’encon
tre de sa venue, se vous vouléz demou
rer en paix, et en ce faisant vous seréz
grandement en sa grace et en s’amour.
Et se vous estes rebelle et desobeissant
de non le vouloir faire, nous sommes
chargiéz de vous dire que nostre seigneur l’Amo
rath mettra en vostre terre plus de testes
d’ommes arméz que il n’y a de grains
de millé en ce sac." A ceste parole firent
ilz ouvrir le sac, et lui monstrerent quel
chose il y avoit dedens. Quant le con
te de Nazara ot entendu parler les am
bassadeurs de l’Amorath, si fu tantost
conseilliéz de respondre attrempeement,
et ne se descouvri pas a une foiz son
pensé ne son courage, mais dist: "Recloéz",
dist il, "le sac. Je voy bien quel chose il y a
dedens, et vous ay aussi bien ouy et
entendu quel chose l’Amorath me mande,
et dedens trois jours je vous en respon
dray, car la requeste l’Amorath deman
de bien a avoir tant de conseil." Ilz res
pondirent: "Vous parléz bien." Sur cel
point et sur la fiance d’avoir response,
ilz sejournerent ces trois jours. Or
vous diray que le conte de Lazara fist
sur les trois jours que il deust respon
dre. Il se pourvey et fist pourveoir
son chastel de plus de deux mil chiefs pb 254bis v