The Online Froissart

Facsimile mode Settings Browse | Collate

pb 254 r

autant le doubtent bien et craignent
le soudan de Babilloine et le taken de
Tartarie. Et eust le taken, si comme
on suppose, et que j’ay oy dire aux
Tartres, trop plus sousmis l’empire
et l’empereur de Constantinoble, se ce
ne feust ce que il doubte l’Amorath
Baquin, car il congnoist bien la
nature de l’Amorath que sitost que
il scet un plus grant de lui, il n’aura
jamais joie ne bien, si l’aura sousmis
et subjugué. Et pour ce ne veult pas
le taquen faire sur Constantinoble
tout ce que faire bien pourroit se il
vouloit." "Et cel Amorath Baquin a
il grant gent avecques lui?" "Oil voir,
il n’est onques si seul ne ne fu, pas
sé a XXX ans, que il ne maine bien
cent mille chevaulx en sa compai
gnie, et tousjours est il logiéz aux
champs, ne ja ne se mettra en bonne
ville, et pour son corps il a X mil
Turcs qui le servent et gardent; et ou
qu’il voist, il mainne son pere avecques
lui."

"Et quel aage puet avoir l’A
morath?" "Il a d’aage bien LX ans, et
son pere IIIIXX X. Et aime l’Amorath
Baquin grandement la langue fran
çoise et ceulx qui en viennent, et dit
que de tous les seigneurs du monde
il verroit le plus volentiers le roy
de France, et aussi l’estat et l’ordonnan
ce du roy de France. Et quant on lui
en parole on lui fait grant bien et
en recommende tresgrandement
les seigneurs." "Et cel Amorath Baquin,
pourquoy tient il en paix le taquen
quant il est si grant conquereur?"
"Pour tant", dist il, "que le taquen le
craint et ne lui oseroit faire guerre,
et a certaines villes et certains
pors en Tartarie qui rendent a

l’Amorath Baquin grant treu tous les
ans; et aussi ilz sont d’une loy, si ne veult
pas destruire sa loy. Et la chose dont
il s’est pluseurs foiz esmerveilliéz, c’est
de ce que les crestiens guerroient et des
truisent ainsi l’un l’autre, et dient entre
eulz que ce n’est pas chose deue ne rai
sonnable a destruire gens d’une loy
et d’une foy l’un l’autre²⁹⁶, et pour tant
s’est il mis en grant volenté pluseurs
foiz de venir a grant puissance en cres
tienté, et conquerir tout devant lui.
Et mieulx me vaulsist asséz que il
m’eust aqueillis et conquis de guerre,
aussi feist il a tout mon païs, que le
taquen de Tartarie." On demanda au
roy d’Ermenie pourquoy, et il respondi
ainsi:
"L’amorath Baquin est un sires
de noble condicion, et se il es
toit plus jeune XXX ans que il n’est,
il seroit tailliéz de moult faire grans
conquestes la ou il se vouldroit traire,
car quant il a conquis un païs ou
une ville ou une seigneurie, il

n’en de
mande que l’ommage, il laisse ceulx
en leur creance, ne onques ne bouta — ne
ja ne fera — homme hors de son heritaige.
Il n’en demande que a avoir la souve
raine dominacion, pourquoy je di que,
se il eust conquis le royaume d’Ermenie
si comme li Tartre ont fait, il m’eust
tenu en paix et mon royaume en nostre
foy et en nostre loy parmi la recongnois
sance que je li eusse faicte de le tenir a
souverain seigneur, si comme aucuns
haulx barons qui marchissent a lui
font qui sont Grecs et crestiens²⁹⁷, qui
l’ont prins a souverain seigneur pour
leur oster hors de la doubte du soudan
et du taquen de Tartarie." "Et qui
sont cil seigneur?" fu il demandé au pb 254 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.