Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 255 v | Next
pb 255 v

ouvrir le passage de Honguerie — et en
tréz en la terre du conte de Lazara et
la destruisiéz toute. Et sitrestost comme
je saray que vous y seréz logiéz, je vous
yray veoir atout le demourant de mon
peuple. Je vueil toute Honguerie mettre
en ma subgeccion, et puis le royaume
d’Alemaigne; il m’est destiné, ce dient
les sors de mon païs et devins d’Egipte,
que je doy estre sire et roy de tout le
monde. Et le lieu ou je yroie le plus
volentiers, ce seroit a Romme, veoir la
grandeur de Romme, car elle est an
ciennement de nostre heritaige, et noz
predecesseurs l’ont conquis et gouverné
pluseurs foiz, et la vueil je porter cou
ronne, et y menray le califfe de Bau
das et le taquen de Tartarie et le
soubdan de Babilloine, qui m’y couron
neront." Ceulx respondirent qui estoient
a genoulx devant l’Amorath, que ilz
accompliroient son desir et son plaisir,
et se departirent de lui atout LX mil
Turs entre lesquelz il en y avoit XXM
de tous les plus aidables, les plus preux
et les plus armerés de toute Turquie,
et ceulx menoient l’avantgarde. Tant
exploitierent que ilz vindrent entre les
montaignes de Lazara, si ne trouverent
a l’entree du pas nul empeeschement,
et se bouterent ceulx de l’avantgarde
dedens. Si les conduisoient le duc de
Meque et le duc de Damiete, et passa
ceste avantgarde toute l’embusche du
conte de Lazara, et encores des leur
autres grant foison. Quant le conte
et li Hongre virent qu’ilz en avoient
leur charge, ilz firent ouvriers mettre
en oeuvre et abatre boys et gros sapins
et mettre et getter au travers les pas,
et empeeschierent si les destroiz que
tout fu cloz, ne il n’estoit pas en puis
sance d’omme de point aler avant.

La y ot enclos bien trente mille Turs
qui furent des Hongres assaillis et
telement menéz de deux costéz des bois
que tous y demourerent, ne onques
un tout seul n’en fu sauvé, et y furent
occis les deux ducs. Bien en y avoit
aucuns qui se cuidoient sauver pour
entrer es bois, mais non firent, car
ilz furent chaciéz et verséz tous mors,
ne onques Turc ne se sauva. Or re
tournerent ceulx de l’arrieregarde
qui ne peurent passer pour le grant
empeeschement des bois que on leur
avoit coppéz au devant. Si retourne
rent pardevers l’Amorath, et lui ra
compterent le grant meschief qui es
toit avenu sur ses gens. De ces nou
velles l’Amorath fu moult pensif, et
appella son conseil pour savoir quel
chose estoit bonne a faire, car il avoit
perdu la fleur de sa chevalerie."
"Par ceste desconfiture", dist le
roy d’Ermenie au roy de France
et a ses oncles qui la estoient307, et au
cuns haulz barons de France qui volen
tiers l’oioient parler, "fu l’Amorath
Baquin grandement retardéz de faire
ses emprinses, et a tousjours depuis
trop grandement doubté les crestiens,
car pardevant ilz ne les congnois
soit, ne n’avoit point eu de guerre a
eulx, fors au soudan et a l’amirault
de Meque et au takem de Tartarie et
au roy de Tharse, desquelz il est aussi
comme souverain, ne il n’y a si puis
sant roy jusques en Inde qui l’ose
courroucier. Il a depuis bien mandé
au conte de Lazara que soubz saufcon
duit il le viengne veoir, et dist qu’il
le verroit plus volentiers que nul sei
gneur du monde, et en recorde grant
bien pour tant que si briefment il
se pourvei de conseil et de confort, et le monstrapb 256 r