The Online Froissart

Facsimile mode Settings Browse | Collate

pb 262 r

du roy Ferrant de Portingal et des
Portingallois, car ilz avoient logiéz
aux champs XV jours tous entiers de
vant les Castelloings, et point ne les
avoient le roy Ferrant ne son conseil
voulu combatre. Si leur avoit bien
dit et monstré le conte leur defaulte et
leur avoit dit: "J’ay en ma compaignie
de purs Angloiz environ VC lances et
mil archiers. Sachiéz, sire roy, et vous
barons de Portingal, que nous sommes
tous conjoins ensemble de bonne vo
lenté pour combatre noz ennemis et
d’attendre l’aventure telle que Dieu
la nous vouldra envoier." Mais le roy
Ferrant, que il ne ses gens n’avoient
point conseil de combatre, pourquoy
quant le conte vit ce, il se parti et
emmena Jehan son filz³⁴⁹ hors du roy
aume de Portingal. Et quant il fut
retournéz en Angleterre, cil roy de Por
tingal s’accorda au roy Jehan de Castil
le et maria sa fille a lui par paix
faisant. Et ce traittié fist messire Jehan
Ferrant Andere, un chevalier de Portin
gal, car le roy Ferrant n’avoit con
seil ne fiance fors en li. Si lui deman
da bien le roy a sa fille le quel elle
avoit plus chier pour son mari. Elle
avoit respondu que elle amoit miex
Jehan d’Angleterre que Jehan de Cas
tille. Le pere lui avoit demandé pour
quoy elle avoit ce dit, pour tant que
Jehan estoit beaux enfes et de son aage,
afin que elle n’eust le roy de Castille; et
bien l’avoit dit au roy Ferrant son pere,
mais le roy pour paix avoir aux Es
paignolz, pour tant que ilz y marchis
sent de tous costéz, l’avoit la mariee.
Et a ce mariage faire et au desmarier
son filz avoit rendu grant paine un
chevalier de Portingal du quel le

conte le tenoit malcontent, qui s’appelloit

messire Jehan Ferrant Andere. Encore avoit
dit le conte au duc de Lencastre son frere
que le roy Ferrant mort, il se doubtoit que
les communaultéz du paÿs de Portingal
ne se rebellassent contre celle dame Bie
trix, car le plus du paÿs, combien que
le roy eust espousé sa mere, madame
Alienor de Coingne, ne la tenoient pas
a legitime mais a bastarda. Et en mur
muroient ja li Portingalois, lui estant
ou paÿs; pour celle cause s’estoit il prins
pres de ramener son filz. SHF 3-78 sync Le duc de Len
castre au quel les choses touchoient trop
plus grandement de l’eritaige de Castille,
car il avoit a femme l’ainsnee heritiere
de Castille, que elles ne feissent au conte
de Cantebruge, car ja avoit il une bel
le fille de sa femme madame Constance³⁵⁰,
si se vouloit bien justement enfourmer
de ces besoignes et ne les vouloit pas
mettre en nonchaloir, mais eslever et
exaulcier du plus que il pouoit, car il
veoit bien si clerement sur son affaire
que il ne pouoit avoir au jour d’adont
nulle plus belle ne plus propice entree
ou royaume de Castille que par le roy
aume de Portingal, et veoit que il en
estoit priéz et requis grandement, et es
peciaulment du roy de Portingal et des
barons et communaultéz du dit royau
me, et quant ce roy Jehan de Portingal
on le tenoit a sage et vaillant homme,
et ja avoit desconfit par bataille le roy
de Castille atout grant puissance³⁵¹, dont
il estoit plus honnouréz, si s’enclinoit
trop grandement le duc a aler en Por
tingal, et aussi le roy d’Angleterre et
son conseil li avoient accordé, mais pour
li justement enfourmer de toutes ces
besoignes, de l’estat et condicion du païs,
du droit de la dame madame Bietrix pb 262 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.