Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 263 r | Next
pb 263 r

de tout le royaume de Portingal, et
de son conseil, et lui dist son entente
et qu’il vouloit espouser Alienor de
Cogne. L’evesque doubta le roy, car
il le sentoit de grant haultaineté et
merveilleuse condicion, si n’osa respon
dre du contraire, et aussi messire Jehan
Ferrant Andere qui estoit tout le con
seil et le cuer du roy, pour servir le
roy a gre, lui dist: "Evesque, vous le
pouéz bien faire. Monseigneur se fera a une
fois dispenser de tout." L’evesque les
espousa et furent ensemble, et fut
ceste dame couronnee et solempnizee
a royne par toutes les citéz de Portin
gal, aussi grandement et en aussi
grant reverence que onques royne
de Portingal eust esté, et engendra
le roy en celle dame une fille, la quele
est pour le present — si comme, Monseigneur,
vous savéz — royne de Castille. Voirs
est que, le roy Ferrant vivant, il
manda un jour a Lusebonne tous
les prelas et nobles, et le conseil
des citéz, des pors et des villes et sei
gneuries du royaume de Portingal,
et fu ce fait avant que monseigneur
vostre frere, monseigneur de Cantebruge, venist
atout son armee en Portingal354, et fist
a tous jurer et recongnoistre sa fille
madame Bietrix, qui lors avoit
espoir cinq ans, que aprés son de
cés on la tendroit a dame et heri
tiere de Portingal. Tous jurerent,
voulsissent ou non, mais bien sa
voient la greigneur partie de ceulx
qui la estoient que ceste fille estoit
bastarde et nee en advoultire, car
encores vivoit le mari madame
Alienor, appellé messire Jehan Lou
rent de Coigne, et se tenoit en Cas
tille avecques le roy, et vesqui le

vivant le roy Ferrant. Et oultre croy bien,
Monseigneur," dist l’escuier qui parloit, "que
se la fille eust esté un filz, que toute la
communaulté de Portingal s’i feust
plus encliné, et plus tost que il ne font
ne ja ne feront, si comme ilz dient, car
ilz auroient plus chier a mourir que de
estre en la subgeccion du royaume de Cas
tille, ne onques ceulx du royaume de
Portingal, ne ceulx de Castille ne se
peurent parfaitement amer li un l’autre,
mais se sont par trop de foiz heriéz et
guerroiéz, si comme li Escoçois heent
et guerrient355 a leur pouoir ce païs d’En
gleterre."
SHF 3-80 sync Adonc demanda le duc de Lencastre
a l’escuier, le quel il oioit moult
volentiers parler et faire son compte:
"Laurencien, ou estoit pour le temps que
vous me parléz le roy Jehan qui est
pour le present, et le quel estoit frere
de ce roy Ferrant?" "Par ma foy, Monseigneur,"
respondi l’escuier, "il estoit en Portingal
en une maison de seigneurs qui portent
une ordre de chevaliers d’oultremer, maiz
ilz sont vestus de blans abbiz a une ver
meille croix, et en estoit souverain, et
sont bien eulx deux cens tous gentilz
hommes de ceste ordre, et l’appelloit on
maistre Denis356, car l’ostel et l’ordre en
Portingal on appelle Denis. Et li avoit
le roy fait donner, et ne faisoit nul compte
de son frere, et autant bien le roy Jehan
a present n’en faisoit nul compte des
besoignes de Portingal, ne ne s’en entre
mettoit en riens, ne ne pensoit a la
couronne ne au royaume, car pour
certain, se le roy Ferrant de Portingal
eust eu nulle inspiracion ne ymagina
cion de ce qui est a present, il amoit
bien tant madame Alienor et mada
me Bietrix sa fille, que il eust enchartré pb 263 v