The Online Froissart

Facsimile mode Settings Browse | Collate

pb 264 r

seconde requeste des communaultéz
de Lusebonne, et respondi: "Bonnes gens,
je sçay bien que de bonne volenté et par
grant affeccion

que vous avéz a moy
vous me offréz la couronne et seigneu
rie de Portingal, qui est grant chose.
Et si dictes, et aussi fay je, que je y
ay aussi grant droit ou plus que ma
cousine la royne de Castille, la fille
Alienor de Coigne, car voirs est que
elle est bastarde — encores vit son mari
qui est en Castille — mais il y a un point:
vous ne pouéz pas tous seulz et sin
guliers mettre sus ce fait ne ceste be
soigne. Il fault que les nobles de ce
royaume, tous ou partie, s’i accordent."
"Haa!" respondirent cilz de Lusebonne,
"nous en aurons asséz, car ja savons
nous les couraiges de pluseurs qui
se sont descouvers a nous, et aussi
de trois citéz de ce royaume qui y
sont les principaulx avecques nous:
Evre, Connimbres et le Port de Por
tingal." Adoncques respondi le roy
qui est a present et dist: "Or soit ainsi.
Je vueil ce que vous vouléz. Vous sa
véz comment madame Alienor qui
se dit royne de ce paÿs est encores en
ceste ville, et a avecques li son conseil
lier messire Jehan Ferrant Andere qui
veult garder la couronne et l’eritaige
de Portingal a la royne de Castille, et
sera pour lui en tous estaz, car il
la maria au roy de Castille, et la des
maria³⁶⁰ au filz du conte de Cantebruge
pour faire la paix de Castille et de
Portingal. Et et a mandé, espoir, ou man
dera le roy de Castille que il viengne
hastivement fort asséz pour comba
tre et soubzmettre tous ses rebelles,
et ja en a Jehan Ferrant Andere fait
fait et partie, si comme vous savéz,

et fera encores plus plainement au
jour de l’obseque de monseigneur mon
frere le roy, le quel on fera prochaine
ment en ceste ville, ou tous les nobles
ou partie, se ilz ne s’escusent, de ce paÿs
seront. Si se fault pourveoir et adviser
selon ce." Dont respondirent cilz qui en
la presence de ce maistre Denis estoient:
"Vous ne dictes pas grant merveille, car
nous savons moult bien qu’il est ainsi.
Si y pourverrons a ce jour telement
selon ce

que nous orrons Jehan Ferrant
Andere parler, que vous vous en appar
ceveréz." En ce point fina leur parle
ment.
SHF 3-82 sync Ne demoura gueres longuement
que on fist l’obit du roy Ferrant
de Portingal a Lusebonne en l’eglise de
Saint François, la ou il gist. Et la furent
grant foison des nobles du royaume
de Portingal, car ilz en estoient priéz
depar la royne et Jehan Ferrant Ande
re qui gouvernoit la royne. Et la fu
le roy qui est a present et grant foison
des communaultéz du paÿs, et par es
pecial des trois citéz dessus nommees,
Connimbres, Evre, et le Port de Portingal,
car elles se concordoient avecques ceus
de Lusebonne. L’obit du roy Ferrant
fait, Jehan Ferrant Andere fist prier
depar la royne aux nobles de Portingal
qui la estoient que point ne se voul
sissent partir de Lusebonne ce jour ne
le lendemain, car il vouloit avoir a
vecques eulx parlement, et aussi aux
bonnes villes, pour savoir comment
on se cheviroit de mander en Castille
le roy Jehan et sa femme, madame Bie
trix leur dame, car elle estoit heritiere
de son droit du royaume de Portingal.
Tous les nobles, ou partie, qui oirent
ces paroles, n’en firent compte, mais pb 264 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.