The Online Froissart

Facsimile mode Settings Browse | Collate

pb 266 r

elle est de juste mariage et dispensee
de pape."

"Et quel chose est bon donc",
dist le chevalier, "que je en face?" "Nous
vous disons pour le meilleur", res
pondirent ceulz, "que au plus tost que
vous pourréz vous partiéz hors de
Castille et vous retraiéz sur vostre
heritaige en Portingal, et laissiéz ma
dame Alienor avecques sa fille. Nous
n’y veons autre salvacion pour vous."
"Par ma foy," dist le chevalier, "je vous
croiray, car vous me conseilliéz loy
aument a mon advis." Depuis ne
sejourna en Castille messire Jehan
Leurens de Coigne que trois jours,
et ordonna toutes ses besoignes se
cretement et se departi de Castille et
chevaucha au plus tost qu’il pot et
s’en vint a Lusebonne, et la trouva
le maistre Denis et li dist que il le
venoit servir et se mettoit en son obeis
sance, car il le tenoit bien a roy.
Maistre Denis en ot grant joie, et li
dist que il feust li bienvenus. Si
lui rendi tout son heritaige et le fist
capitaine de Lusebonne. Ainsi, Mon
seigneur, que je vous compte, advint
de ceste besoigne." SHF 3-84 sync Comment Lauren
cien Fougasse, embassadeur envoié de
Portingal en Angleterre, racompta au
duc de Lencastre la maniere du descort
qui estoit entre Castille et Portingal.
Moult prenoit le duc de Len
castre grant plaisance a oir
Laurencien Fougasse parler, car il
parloit bien et attrempeement et
bon françois, et pour tant que la
matiere dont il parloit lui touchoit³⁷³,
car il vouloit venir jusques au fons
de toutes ces besoignes, si lui dist
moult doulcement:

"Laurencien, parléz
tousjours avant. Je ne vy ne ne

oÿ homme estrangier, passé a deux
ans, parler aussi volentiers comme je
fay vous, car vous aléz toute la verité
avant, et les lettres que le roy de Por
tingal m’a envoiees par vous en font
bien mencion que de tout ce qui est
avenu entre Castille et Portingal vous
me enfourmeriéz justement." "Monseigneur,"
respondi l’escuier, "pou de choses sont
advenues quant de fait d’armes en
tre Castille et Portingal ou je n’aie esté
et dont je ne sache bien parler, et puis
qu’il vous plaist que je poursuive ma
parole, avant je parleray. ¶ Le
roy Jehan de Castille assembla ses gens
au plus tost que il pot et s’en vint a
grant puissance devers Lusebonne
avant que le roy de Portingal qui est
a present feust couronnéz, pour don
ner paour et crainte aux Portingalois
et pour monstrer que il avoit droit
a l’eritaige. Et s’en vint tout premiere
ment devant Saint Yrain³⁷⁴ qui est l’en
tree de Portingal et la s’arresta deux
jours. La ville et ceulx qui dedens es
toient, et qui la gouvernoient, orent
paour de sa venue pour la grant foison
de gens d’armes que il menoit. Si se
rendirent a lui et lui ouvrirent la ville.
Aprés ce, quant il en ot prins la pos
session et il ot laissié dedens gens d’ar
mes pour la garder et aussi pour la
doubte des rebellions, il se parti a
tout son ost et chemina tant que il
vint devant la ville de Tuye, qui est
moult forte. Il la advironna et fist
assaillir. Ceulz de Tuye estoient asséz
de la partie de la royne de Castille, car
madame Alienor sa mere estoit la
assignee de son douaire, si se rendirent
au roy Jehan de Castille moult legiere
ment et mistrent en son obeissance. pb 266 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.