The Online Froissart

Facsimile mode Settings Browse | Collate

pb 267 r

d’armes, de mors, de bleciéz et de navréz
d’une part et d’autre, et aussi bien te
noient ilz siege par mer que par terre,
et estoit l’ost aisié de tous vivres gran
dement et largement, car il leur
en venoit de tous costéz du royaume
de Castille. Et advint que a une grant
escarmouche que li Espaignolz firent
a l’une des portes de Lusebonne, mes
sire Jehan Leurens qui estoit capitai
ne de Lusebonne sailli hors aux bar
rieres, son pennon des armes de
Coigne en Portingal devant lui, et
avecques lui grant foison d’apers
compaignons. Et la ot ce jour aux
barrieres fait pluseurs grans apper
tises d’armes, et traite et lanciee
mainte darde."

"Par ma foy," dist le duc
a Laurencien, "de toutes les armes
que les Castelloings et ceulz de vostre
païs font et scevent faire, celle
de getter la darde me plaist le miex,
et le voy le plus volentiers, car
trop bien me plaist et trop bien en
scevent jouer, et qui en est attaint
a coup, je vous di que il fault que
trop fort il soit arméz se il n’est
perciéz tout oultre." "Par ma foy, Mon
seigneur," respondi l’escuier, "vous dic
tes voir. Encore vy je en ces armes
et assault qui la fu autant de beaux
coups ruer et aussi bien assegnéz
que je fis onques en toute ma vie,
et par especial il en y ot un qui moult
nous cousta et qui nous tourna
a grant desplaisance, car messire
Jehan Leurens en fu feru d’une, par
tele maniere que le fer lui perça ses
plates et sa cotte de maille et un
jaques empli de soye retorse, et lui
passa tout parmi le corps, tant que il
la convint soier et bouter oultre.

Adonc cessa li escarmouche pour la
cause du chevalier qui mourut. Ainsi
fu madame Alienor vesve en un an
de ses deux maris.
SHF 3-86 sync Sachiéz, Monseigneur, que messire
Jehan Leurens de Coigne ot grant
plainte, car il estoit moult vaillant
homme aux armes et plain de bon con
seil. Aprés la mort du quel chevalier
fu capitaine de Lusebonne un sien cou
sin et moult vaillans homs aussi qui
s’appelle le Poimasse de Coigne. Cil fist
sur les Espaignolz trois ou quatre is
sues, qui leur porta grant dommaige.
Ainsi se continua le siege de Lusebonne.
Et vous di que pluseurs foys on fut
moult esbahi dedens la ville, car con
fort ne leur apparoit de nul costé; quant
on vit que nul ne venoit d’Angleterre
ou toute leur esperance estoit, si fu
le roy a present conseilliéz d’entrer en
une navire et de venir en ce paÿs, car
messire Jehan Raddigothz de Passe et
messire Jehan Teste

d’Or et l’arcediacre
de Lusebonne, lesquelz on avoit envoiéz
devers le roy d’Angleterre et devers
vous et vostre frere monseigneur de Cantebruge
pour avoir confort et aide, avoient ra
porté nouvelles en Portingal que vous
les conforteriéz." "En nom Dieu," respondi
le duc de Lencastre, "vous dittes voir.
Et aussi j’en fu sur le point et tout
appareillié, mais en ce temps la guerre
de Flandres et de Gand couroit³⁷⁹. Si
vindrent les Gantois pour avoir se
cours devers nous. Si eurent tous
ceulx ou en partie que je devoie mener
en Portingal, et les mena l’evesque
de Nordvich, messire Henry de Persi, par
dela la mer. Si retarda le voyage de
Portingal." "En nom Dieu, Monseigneur,"
dist l’escuier, "nous pensions bien que pb 267 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.