The Online Froissart

Facsimile mode Settings Browse | Collate

pb 267 v

aucun grant empeeschement avoit en
Angleterre pourquoy vous ne pouyéz
venir. Toutefoiz nous feismes au miex
et au plus bel que nous peusmes, et
nous tenismes et portasmes vaillam
ment encontre le roy de Castille et sa
puissance qui lors n’estoit pas petite,
car ilz estoient plus de soixante mile
hommes que par mer que par terre, et
tous nous menaçoient d’ardoir et exil
lier sans merci en nostre ville et cité de
Lusebonne. Or advint que, le siege es
tant devant Lusebonne, si comme je
vous compte, un conte de nostre païs de
Portingal le quel s’appelle le conte d’An
gouse nous fist un tresgrant et bel
secours, et pour lui il y acquist haulte
honneur, car il arma XX gallees au
Port de Portingal de bonnes gens d’ar
mes et de belles pourveances, et puis
s’en vint ridant et siglant parmi la
mer, et

passa par vaillance et par grace
que Dieu li fist tout parmi l’armee du
roy de Castille qui gisoit a l’entree
devant Lusebonne, ou plus avoit de
cent gros vaisseaulx. Et fist son fait
si sagement et prinst le vent si a point
que, voulsissent ou nom li ennemi, il
entra sauvement et sans peril, et tou
tes ses gallees, ou haible de Lusebonne,
et encores conquist il quatre vaisseaux
sur eulx et les admena en sa compai
gnie ou haible. De la venue du conte
d’Angouse furent ceulx de Lusebonne
moult resjouys, car ilz en furent gran
dement confortéz." "Par ma foy," dist le
duc, "le conte vous fist pour ce temps
un bel service. Or me comptéz, beau
Laurencien, comment le siege fu levéz
ne par quel maniere, car je vous oy
moult volentiers parler." "Monseigneur,"
dist l’escuier, "volentiers."

"Si comme je vous ay dit et compté,
le siege fu devant Lusebonne plus
d’un an entier, et avoit le roy de Cas
tille juré et voué que du siege ne se
partiroit, si auroit la cité sousmise a son
obeissance, se puissance de plus grant
roy que il ne fust ne le levoit de force.
Au voir dire, qui tout veult considerer,
le roy de Castille tint bien son veu et
son serement, car voirement puissance
de plus grant que il n’estoit, et plus
fort, l’en leva et fist partir. Je vous di
ray comment. Une pestillence de mor
talité tresgrant et tresespouventable³⁸⁰
se bouta en son ost par tel maniere
que tous mouroient si soubdainement
comme en parlant l’un a l’autre. Et en y
mourut de boce et de mal du corps
plus de XXM personnes, et proprement
le roy s’esfrea de lui meismes, pour
la quelle freeur on lui conseilla que
il se levast du

siege et se retraisist
a Saint Yrain ou en autre part, et don
nast congié a toutes ses gens tant
que ceste pestillence seroit appaisiee. En
vis le fist pour tant que il avoit juré
le siege si solennellement, mais faire
lui couvint, car pour le mieulx ses
gens lui conseilloient, qui se vouloient
aussi partir du siege. Monseigneur,
nous disons en Portingal et avons
dit moult de foiz, et est l’opinion de
tous, que Dieu pour nous aidier, nous
et nostre roy, envoya en l’ost ceste pestil
lence, car dedens la cité ou la nous
estions tous enferméz il n’y mourut
onques ne homme ne femme, ne on ne s’en
senti onques, dont ce fu grant grace
que Dieu nous fist. Quant le roy
de Castille se deslogea du siege de Lu
sebonne, le roy de Portingal qui est
a present fist armer tous ceulx qui pb 268 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.