The Online Froissart

Facsimile mode Settings Browse | Collate

Denis et lui avoient juré foy et hommage,
si fu plus pensif que devant, car il ne
cuidoit pas que les choses deussent ainsi
aler et que les Portingalois se deussent
avancier sitost de le couronner a roy
pour la cause de ce que il avoit avecques
lui grant foison de nobles du royaume
de Portingal. Si dist: "Je voy bien que il
me couvendra, de fait et de force, de con
querir ce qui est mien, se je le vueil ra
voir. Jamais n’aura paix entre Castille
et Portingal, jusques a ce que Portin
galois aient amendé ce que ilz ont fait."
Aprés ce que le roy de Portingal fut cou
ronnéz, il s’en vint a Lusebonne et la se
tint, et entendi grandement a mettre a
point les besoignes de son royaume pour
acquerir la grace et amour de son peuple.
Et departi ses chevaliers et gens d’armes
et les envoya en garnison parmi ses villes
et ses chasteaulx sur les frontieres du
royaume d’Espaigne, car le roy³⁸⁴se tenoit
a Sebille. Si fu envoiéz du roy de Por
tingal en garnison en Trentouse³⁸⁵ messire
Jehan Ferrant Percek, un moult appert
et vaillant chevalier et de haulte emprin
se, avecques lui messire Martin Vas de
Coigne, et son frere messire Guillaume Vas de
Coigne, deux moult appers chevaliers, et
avoient dessoubz eulx CC lances de bon
nes gens et tous bien montéz. D’autre part
fu envoiéz au

chastel de l’Evre³⁸⁷ vers Juberot
messire Jehan Radigos Perriere atout
cinquante lances; en la cité de Valence en
Portingal fu envoiéz depar le roy mes
sire Jehan Genines de Salves, a l’encon
tre de la forte ville de Tuye qui siet pres
de la, la quele s’estoit tournee et rendue
au roy de Castille quant il vint devant
Lusebonne. Et en Tuye avoit de François
et de Castelloings grant garnison de gens
d’armes. En la cité de Serpe fu envoié
messire Mondech Radigo, un moult appert

chevalier, atout cinquante lances. Au
Port ne Evre³⁹⁰ ne a Connimbres n’en mist
on nulles gens d’armes, car le roy
sentoit les hommes des villes dessusdictes
bons et loyaulx envers lui, et fors asséz.
Ainsi que je vous di, Monseigneur, en
l’an que le roy fu couronnéz, furent
pourveues ces garnisons de bonnes gens
d’armes. Si vous di que souvent y
avoit des rencontres, des escarmou
ches et des assaulx les uns sur les
autres; une foiz gaignoient noz gens,
autre foiz perdoient, ainsi que l’aventure
d’armes advient, mais par especial
il y ot un rencontre de ceulx de la
garnison de Trencouse sur les Castel
loings moult fort et moult bel." "Haa!
Laurencien," dist le duc de Lencastre,
"ne vous en passéz point briefment
que je ne sache et oye comment il en
advint, et par quelle maniere ilz se
trouverent sur les champs, car je
oy d’armes parler moult volentiers."
"Monseigneur," respondi l’escuier, c’est
l’entencion de moy que je le vous die,
et l’ordonnance du fait si comme il
en ala, car a ce rencontre je fu present,
et portay ce jour la baniere de messire
Jehan Ferrant Percek par qui la be
soigne commença, car il estoit pour
lors capitaine de Trencouse.
"

Vous devéz savoir, Monseigneur,
que le roy de Castille sur les
frontieres et bendes de Portingal a
voit pourveu de gens d’armes ses
garnisons, le quel a la foiz pour nous
contrarier et porter dommaige se
rengeoient ensemble et mettoient
sur les champs. Une foys perdoient
et l’autre ilz gaignoient, ainsi que
les choses se portent en armes. SHF 3-88 sync Or
advint une foys que jusques a VII
capitaines d’Espaignolz, tous haulx pb 269 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.