si auray veü noz ennemis et combatu
a eulx, et me mettray en paine de res
courre la proie." Et puis me dist: "Lau
rencien, desvelopéz ma baniere, car il
est heure. Nous trouverons tantost
les ennemis." Lors fis ce que il me com
manda, et chevauchasmes les bons pas
et tant que nous veismes devant nous
les pouldrieres de noz ennemis. Lors
preismes nous l’avantaige du soleil
et chevauchasmes et venismes a eulx.
Quant les Castelloings nous apperceurent,
si se tindrent tous coys et se remirent
ensemble, et ordonnerent leur proie et
leurs prisonniers tous d’un costé. Nous
les approchasmes de si pres que bien
pouyons parler a eulx et eulx a nous.
Si veismes trois bannieres et quatre
pennons, et bien estoient par advis
en flote environ CCC, et les banerés
tous bien montéz. Je vous nommeray
tout premier: messire Jehan Raddigoz
de Castegnas, chevalier et baron en Cas
tille, messire Alnegresie d’Albenés³⁹²et
messire Adyoutale de Thoulete; les pen
nons, messire Pierre Pietre Sonase de Thoulete,
messire Adyoutale de Casele, messire Jehan
Radigoz de Vere et Dyoscenses de Thore.
Quant nous feusmes l’un devant l’autre
nous meismes pié a terre et aussi firent
eulx, et furent chevaulx bailliéz aux
paiges et aux varlés, et avant que nous
assemblissions — de lances, de dardes ne
d’armes — a eulx, ne eulx a nous, nous
eusmes grant parlement; voire, les ca
pitaines de l’une part et de l’autre, car
moy qui fu present oÿ toutes les paroles
pour tant que mon maistre messire Jehan
Ferrant Percek, de qui je portoie la banniere,
estoit audevant d’eulx, et a lui estoient
adreciéz les parlemens. Tout premier il
leur demanda qui les faisoit chevau
chier en Portingal, ne lever proye. Messire pb 269 v