Adioutale de Thoulete respondi ainsi et dist
qu’ilz y pouoient bien chevauchier ainsi comme
ilz vouloient pour punir les desobeissans,
car il leur estoit commandé de leur sei
gneur le roy de Castille, au quel l’eritaige
de Portingal appartenoit. Et pour tant
qu’ilz y avoient trouvé rebelles et deso
beissans, ilz avoient couru ou païs et
levé proie, et emmenoient prisonniers.
"Vous ne les menréz pas trop loing," res
pondi Jehan Ferrant Percek, "ne la proye
aussi, car nous les vous secourrons; ne
nul droit vous n’avéz en ce païs de venir
courir. Ne savéz vous pas que nous a
vons roy le quel veult tenir en droit
son royaume et garder justice et punir
les larrons et pillars? Si vous disons
depar lui que tout ce que vous avéz prins
et levé ou royaume de Portingal, vous
remettéz arriere, ou autrement sur nostre
droit et juste querelle nous nous com
batrons a vous." Dont respondi Adioutale
de Thoulete: "Les prisonniers que nous
avons ne rendrons nous pas, mais nous
nous conseillerons de la proie." Lors se
sont les VII capitaines de Casteloingne
trait ensemble en conseil, et monstrerent
a ce que ilz respondirent que pour celle
foiz, quoyque ilz eussent chevauchié de
vant Trencouse, ils se feussent bien pas
séz de la bataille, car ilz distrent, eulx
conseilliéz, que le bestail que ilz menoient
et tout le sommage excepté les hommes
que pour prisonniers ilz tenoient, ilz
mettroient et laisseroient ariere, et n’en
faisoient compte du mener, car ce les
chargoit trop. "Nennil," respondirent les
Portingalois, "nous ne nous en passerons
pas ainsi, mais voulons que tout vous
laissiéz, ou vous auréz la bataille." Monseigneur,
ilz ne se peurent concorder. Si commença
la bataille entr’eulx dure et fiere, sans