Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 279 r | Next
pb 279 r

la gardoient. La ot grant assault et dur
d’Angloiz et d’archiers endementres que
les gens d’armes se combatoient aux
barrieres, et passerent les Angloiz I
petit fossé que la y avoit, et vindrent
au pié de la tour portans pics et houy
aux en leurs mains, et commencierent
a piqueter et a piochier et caver et
a oster pierres et affoiblir grande
ment la tour. Ceulx qui estoient sus
se defendoient vaillamment et har
diement de ce qu’ilz avoient, et ar
chiers traioient a eulx si onniement
que a paine ne s’osoient ilz monstrer
pour le trait, se il n’estoit trop fort
armé de pavaz. La fouirent et houe
rent et piquerent Angloiz, tant que
la moitié de la tour par defaulte de
pié que ilz avoient tolu, miné et
osté le fondement, s’ouvri et crevaça.
Ceulz qui dedens estoient, et qui ou
vrir et desjoindre la veoient, se trai
rent tous ensemble sur la plus saine
partie, et tant que la moitié de la
tour s’en ala a terre, et l’autre demoura,
et les compaignons dedens. Lors
y ot grant huyee des Angloiz quant
ilz les virent ainsi a descouvert. A ces
entrefaites il estoit sur le plus tart,
si sonnerent les trompetes de retrait,
car pour ce jour ilz disoient que ilz
en avoient fait asséz, si se retrairent,
et au departement les Angloiz disoi
ent aux Bretons: "Seigneurs, seigneurs,
demouréz la ceste nuit et faites bon
gait, car demain nous vous venrons
veoir. Vous verrés bien de quelle part
nous sauldrons, car il n’y a riens au
devant de vous qui vous face ombre!"
S’entencion des Angloiz estoit
telle que le lendemain ilz re
tourneroient a l’assault a la bastide
et la conquerroient par force et les

compaignons de dedens, car bien estoit
en leur puissance. Si passerent la nuit tout
aise, ils avoient bien de quoy. On dit sou
vent, et voir est, Bon l’avoient li penseur,
se n’estoient li contrepenseur462. Je le dy
pour tant que, se il y avoit en l’ost des
Angloiz des gens soubtilz de la guerre,
les Bretons qui se tenoient aussi en la
bastide estoient prouveuz asséz de veoir
et congnoistre quelle chose leur pouoit
valoir et porter dommaige. Ilz congnurent
clerement qu’il les couvenoit partir de la
et traire quelque part que ce feust a sau
veté, se ilz ne vouloient estre mors ou
prins. Si eurent conseil de partir et
de trousser ce que ilz pourroient et laissier
la bastide. Si comme ilz ordonnerent pour
le mieulx, ilz le firent, et trousserent
tout et monterent sur leurs chevaulx et
laissierent la bastide et se mistrent aux
champs et prindrent le chemin de Hambon
ou il n’y a que quatre lieues de la. Ilz ou
vrerent sagement de cela faire, et de
monter a cheval et partir, car ilz n’avoi
ent garde que les Angloiz les poursuis
sent, pour tant que ilz n’avoient encore
trait leurs chevaulx hors de leurs nefz.
Messire Jehan de Malatrait et les cheva
liers et escuiers qui avecques lui estoient
vindrent celle nuit a Hambon. Si se bou
terent dedens et la trouverent toute ou
verte et appareilliee. La n’orent ilz garde
des Angloiz. Quant ce vint au matin on
sonna trompetes pour armer l’ost des
Angloiz et eulx traire a l’assault, et vou
loient trop bien faire la besoigne, mais
nouvelles leur vindrent que les Bre
tons estoient partis et avoient laissié
la bastide. Lors se repentirent les An
gloiz grandement de ce qu’ilz n’avoient
mis une embusche sus, par quoy ilz ne
eussent pas ainsi perdu leur proie. Si
envoyerent les seigneurs despecier la pb 279 v