The Online Froissart

Facsimile mode Settings Browse | Collate

pb 27 v

ne bouté si avant en la guerre fors que pour
garder leurs franchises tant des bourgoi
sies que d’autres choses, et quoyque en
guerre, en hayne et en mautalent ilz feus
sent l’un contre l’autre. Si vouloyent ilz
estre tout un au besoing pour tenir, gar
der et deffendre les franchises et bourgoy
sies de Gand, ainsi comme depuis ilz le
monstrerent. Car ilz furent, leur guerre
durant qui dura pres de sept ans, si bien
d’accord que oncques n’eurent entr’eulx
estrif dedens la ville, et ce fut ce qui les
soustint et garda plus que autre chose
dedens et dehors. Ilz estoient si en unité
que point de differant n’y avoit, mais
mettoient avant or et argent, joyaulx
et chevance, et qui le plus en avoit, il l’a
bandonnoit, aussi comme vous orrés
recorder ensuivant en l’istoire.
SHF 2-131 sync Ne demoura depuis gaires de temps
que le conte de Flandres fut partis
de Gand et revenus a Lisle, que messire
Olivier de Hauterive, cousin germain
a Rougier d’Auterive que ceulx de Gand
avoyent occis, envoya deffier la ville de
Gand pour la mort de son cousin, et aussi
firent messire Phelippe de Maminez, le
Galoys de Maminez et pluseurs autres,
et, toutes ces deffiances faittes, ilz trou
verent environ XL navieurs de Gand,
bourgoys de Gand qui amenoyent par
la riviere d’Escaut blefs a Gand, si se con
trevengierent sur ces navieurs de la
mort de leur cousin et les decoupperent
trop villainement et leur creverent les
yeulx, et les renvoierent a Gand ainsi
afolléz et meshaigniéz, le quel despit
ceulz de Gand tindrent a grant. Les juréz,
qui estoient en la loy pour ce temps,
ausquelx ces plaintes vindrent, furent
tous courrouciéz et n’en sceurent bonne
ment que dire ne qui encoulper, fors

que les faiseurs. Murmuracion monta
aval la ville, et disoient la greigneur
partie des gens de Gand que le conte
de Flandres avoit ce fait, ne a peine l’o
soit nul homme de bien excuser. Si
tost que Jehan Prouniaulx entendy ces
nouvelles, qui estoit pour le temps
des Blancs Chapperons le plus grant
maistre et cappitaine, sans sonner mot
ne parler aux juréz de la ville, ne sçay
s’il en parla aux cappitaines autres,
je croy bien que ouyl, il prist la grei
gneur partie des Blancs Chapperons
et encores asséz de poursuivans ental
lentéz de mal faire, et se party sur un
soir de Gand, et s’en vint bouter en Au
denarde, quant il y entra premierement,
il n’y avoit ne garde ne gait. Car on
ne se doubtoit de nulluy, et s’en yssi de
la porte, et puis y entrerent toutes
ses gens, et estoyent plus de cinq cens⁸³.
¶ Quant ce vint au matin, il mist
ouvriers, maçons, charpentiers, et
autres gens qu’il ot tous appareilléz
a son commandement. Si ne cessa, si
ot fait abatre deux portes, les tours
et les murs, et reverser ou fossé au léz
devers Gand. Or regardés comment
ceulx de Gand se pueent excuser que
ilz ne consentirent ce forfait. Car ilz
furent en Audenarde abbatant portes
et murs plus d’un moys. S’ilz eussent
remandees leurs gens si tost que ilz en
sceurent les nouvelles, on les eust ex
cuséz, mais nennil. Ainçoys clignerent
ilz leurs yeulx et souffrirent tant que
les nouvelles en vindrent au conte
qui se tenoit a Lisle, comment Jehan
Prouniaulx estoit larrecineusement
venuz de nuyt en Audenarde et s’estoit
la boutéz et avoit abatu et fait aba
tre deux portes, les tours et les murs. pb 28 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.