Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 280 r | Next
pb 280 r

Calongne, ilz seroient tous seigneurs
du paÿs." Les chevaliers prindrent
leurs chevaulx qui les suivoient et
firent tant par bon exploit que ilz
vindrent celle nuit a La Calongne ou
il y a XIIII grans lieues et divers
païs, et se bouterent si a point en la
ville et ou chastel que les Angloiz ve
noient, et si entrerent devant le ha
ble, dont on fu moult resjouy en la
ville et ou chastel de leur venue. Toute
celle nuit vindrent les sommiers
qui apportoient et amenoient leur
hernoys. Quant ce vint au matin,
ce fu grant beauté de veoir entrer
ou hable de Calongne ces galees et
ces nefs armees, chargiees de gens
et de pourveances, et de ouir ces trom
petes qui sonnoient a tous léz. Et
les trompetes du chastel et de la ville
responnoient a l’autre lez, et se esba
toient l’un contre l’autre. Tantost con
gnurent les Angloiz que il y avoit
grant gent d’armes et bonne garnison,
et que François estoient saisiz de la
ville et du chastel. Adonc issirent
les seigneurs tout bellement, et
aussi toutes manieres de gens hors
des vaisseaux et des gallees, et se
trairent sur les champs, ne point
n’approchierent de la ville, ilz n’y
avoient que faire. Car elle est trop
forte et trop bien fermee, et si estoit
bien promieue de bonnes gens d’armes.
Ilz en veoient bien les apparences.
Au dehors de la ville de La Calongne
avoit aucuns hostelz et maisons de
peescheurs et de gens de mer. La
se trairent les seigneurs et se logie
rent, mais il couvint faire asséz
d’autres logeiz, car il en y avoit
trop pou pour tous. Le premier jour
que ilz arriverent au port de La

Calongne, le second, le tiers et le quart
furent ceulx tous embesoigniéz qui a
ce faire ordonnéz estoient de deschargier
les galees et les vaisseaulx, tant y a
voit de pourveances et de choses adme
nees et a vuidier hors des nefs. Si
furent mis hors les chevaulx tout belle
ment qui avoient esté es nefs plus
de XV jours. Si estoient fouléz et oppres
séz, combien qu’ilz eussent esté bien gou
vernéz et apprehendéz de foins, d’avoine
et de eaue doulce, mais autant bien
les griefve la flaireur de la mer comme
elle fait aux gens. Si furent menéz
et pourmenéz et rafreschiz de nouvelles
pourveances et de fresches eaues. Quant
tout fu mis hors des gallees et des
vaisseaulx, on demanda au duc quel
chose il vouloit que on ordonnast de
la navie. Il respondi, "Je vueil,", dist le duc,
"que tous les mariniers soient paiéz
de leurs peines, et puis face chascun
son proufit. Car je leur en donne bien
congié, et veulz bien que chascun sa
che que jamaiz la mer en Angleterre
ne rappasseray tant que je auray ma plai
ne souffisance du royaume de Castille,
ou je mourray en la peine." Le commande
ment du duc fut lors accompli, on
paia les mariniers si bien qu’ilz se tin
drent pour contens, puis aprés se
departirent quant il leur pleust. Si
issirent du port de La Calongne et s’en
alerent les aucuns en Portingal et
li autre a Lusebonne ou a Baionne ou
a Lebay en Bretaigne ou en Angleterre.
Sachiéz que nul ne demoura derriere.
Et le duc de Lencastre et les Angloiz
se logierent a La Calongne, non ou
fort mais au dehors en petites maisons
qu’ilz trouverent, et aussi ilz en firent
des nouvelles de bois et de fueillies,
ainsi que gens d’armes se logent. pb 280 v