The Online Froissart

Facsimile mode Settings Browse | Collate

pb 281 r

grant desir de trouver les Françoys, et
chevauchierent tant que ilz vindrent
a l’Espinette et sus le pas ou ilz trouve
rent les gens mors dont ilz furent
moult courrouciéz. Quant ilz furent
la venuz, ilz ne trouverent riens que
leurs gens tous mors. Car les Fran
çoys estoient ja retraiz et rentréz ou
chemin lequel ilz estoient venuz, ja
mais qui ne les eust menéz ilz ne
les eussent enclos. Sy s’en rentour
nerent sans riens faire. Et tout ain
si que ilz estoient a une demye lieue
de leur ost, ilz regarderent et virent
sur cousté les Françoys qui rentroyent
ou chastel de La Calongne. Si furent
moult courouciéz, mais admender
ne le peurent. Et furent ce jour
moult blasméz d’aucuns en l’ost, en
requoy, le mareschal de ce que il en
voioit ne avoit envoyé fourragier,
ne consenti a aler leur gens sy
simplement que sans gens d’ar
mes quant ilz sentoyent leurs an
nemis pres de l’ost logiéz fors asséz
pour ruer jus V ou VIC fourrageurs.
Et proprement le connestable et le
duc de Lancastre l’en blasmerent, tant
que il en fut tous honteux, mais
il se excusa et dist que sans celle foiz
ilz y avoient esté X foiz, et point n’y
avoient les fourrageurs pris de
dommaige. "Messire Thomas", dist
le duc, "soyés une autre foiz plus ad
visiéz, car ce advient a une foiz ou
en un jour qui point n’avient en cent."
SHF 3-100 sync Comment le duc de Lancastre se party
de La Calloingne. Et comment la ville
de Saint Jaques en Gallice se rendi a lui.
Et du conseil que les barons de France
donnerent au roy de Castille.

Quant le duc de Lancastre ot sejour
né a La Calloingne environ un moys,
si comme je vous compte, et que hommes
et chevaulx furent tous bien refreschiz,
on ot conseil que on se deslogeroit de la
et s’en yroit on devers la ville de Saint
Jaques en Gallice ou il avoit meilleur
paÿs et plus gras, et plus plain chevau
chier. Si comme il fut ordonné, il fut fait.
On se desloga de La Caloingne et puis se
myst on au chemin quant on ot tout
troussé. Et chevauchoyent en trois batail
les, le mareschal premiers atout IIIC
lances et VIC archiers, et puis le duc
atout quatre cens lances et toutes les
dames en sa compaignie, et en l’arrie
re garde estoit le connestable messire
Jehan de Hollandes, et avoit largement
et bien IIIIC lances et VIC archiers. Et n’a
loyent que le pas et mistrent trois
jours a venir de La Calloingne jusques
a la ville de Saint Jaques. Vous devéz
savoir que le plus de Gallice pour la
venue du duc de Lancastre estoit moult
effrayéz, car ilz ressoingnoyent gran
dement la puissance. Le mareschal de
l’ost qui estoit en l’advantgarde s’en
vint jusques a une ville que on appel
le Compostelle ou paÿs, ou le corps saint
Jaques que on requiert de sy loing gist
et est. ¶ Quant il fut venu jusques
a la, il la trouva fermee, ce fut rayson,
mais il n’y avoit en garnison fors les
hommes de la ville. Car nulz chevaliers de
France ne la vouloit prendre a son pe
ril pour la tenir ne garder honnoura
blement jusques a oultrance, car elle
n’est pas trop forte a parler, contre telz
gens que le duc de Lancastre avoit mie
ou paÿs de Gallice. Le mareschal envo
ya devant un herault pour savoir que pb 281 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.