The Online Froissart

Facsimile mode Settings Browse | Collate

pb 283 r

il appert, car par La Caloingne sont en
tréz en Gallice⁴⁶⁶." Dont dist le roy: "Et en
tre vous, chevaliers de France qui congnois
séz les armes et qui savéz que c’est
que chevaliers et hostoier, plus que ne
sont les gens de ce paÿs, car plus vous
les avéz hantéz et uséz, que pouéz vous
supposéz ne ymaginer des Angloys,
ne comment se porteront ilz? Se porte
ront ilz une sayson?" "Par ma foy," respon
dirent aucuns, et chascun par luy, "Sire,
malement le pouons sçavoir, car
les Angloys sont couvers quel chose
ilz font, quel chose ilz feront, ne ou ilz
se trairont, fors que par supposicion.
Nous supposons ainsi que le duc de Lan
castre se tendra tout cest yver qui
approuche en la ville de Saint Jaques,
et ses gens la environ, et courront
le paÿs de Gallice et conquerront
petis fors et reançonneront aux
vivres et a pourveances, et demen
tres que cilz temps passera et que
l’esté retournera, s’entameront et fe
ront traittiéz entre le duc de Lancas
tre et le roy de Portingal, et se concor
deront et alieront ensemble, se jamaiz
aliance se doit faire ne ne doit avoir.
Car nous entendons un point quy
y est, pourquoy nous creons le mie
ulx que aliances se feront que autre
chose, car le duc de Lancastre a mis
hors d’Angleterre toutes ses filles
mariees et a marier. Il en y a deux,
dont l’une aura, si comme nous
supposons, vostre adversaire de Por
tingal." "Et quelle chose", dist le roy,
"est bonne que je face?" "Nous le vous
dirons, sire," respondirent les chevaliers.
"Faittes sus les frontieres de Gallice
garder les villes et les chasteaulx

les plus fors, et les plus petiz fors fait
tes les abbatre. On nous donne a enten
dre que voz gens parmy ce royaulme
fortiffient moustiers et clochiers, et
retrayent la du plat paÿs leurs biens.
Sachiéz que c’est toute perte et confusi
on pour vostre royaulme. Car quant
les Angloys chevaucheront, ce petit fort,
ne ses eglises ne moustiers ne leur
deurront neant, mais seront renfres
chiz et nourris des vivres que ilz trou
veront dedens, et en parferont leur
guerre et conquerront le demourant.
Sy vous disons que tous telz petiz fors
faittes les abatre, et se trouverés
que loysir en avéz, abatre et abandon
ner tout ce qui sera trouvé dedens, se il
n’est mis hors ens es fortes villes, cités
et chasteaulx, dedens le jour de la Tous
sains ou au plus tart dedens le jour
de la Saint Andrieu, aux vostres gens
d’armes. Encores vault il mieulx que ilz
en vivent et que ilz en ayent la graisse
et le prouffit, que voz annemys. Et sy
mandéz encores par especial et par cer
tains hommes de vostre conseil tout vostre
estat et l’affaire de vostre paÿs au roy de
France et a ses oncles monseigneur de
Berry et monseigneur de Bourgoingne,
et soyent informéz justement que a l’es
té qui revient ou avant, sitost comme
le nouveau temps sera venu et que on
pourra chevauchier, il vous appert la
plus forte guerre qui oncques fut en Es
paigne, ne par le prince de Galles ne
par autruy. Et escripséz lettres piteuses
et doulces en suppliant au roy et a ses on
cles que a ce grant besoing vous soyéz re
confortéz de tant de bonnes gens d’ar
mes que vous puissiéz resister contre
voz annemys et garder vostre royaulme. pb 283 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.