The Online Froissart

Facsimile mode Settings Browse | Collate

pb 286 v

annemy a monseigneur et a madame
de Bourgoingne." Le baillif de Gand s’en
passa oultre a tant, et Françoys Acremen
retourna a l’ostel et fist a ses varléz met
tre jus ses armeures, et entra en une
marmouserie que le plus du temps il
aloit tout seul parmy la ville de Gand,
ou a la foiz il menoit un varlet ou un seul
enffant en sa compaignie. Or advint que
a une feste ou il se tenoit au dehors de Gand
en l’abbaye de saint Pierre, il ala ainsi que
tout seul, luy et un varlet seullement,
sans armeures et sans espee. Il fut pour
suivy et espié d’un bastart, filz au seigneur
de Harzelles qui avoit esté, lequel voulst
vengier la mort de son pere, de laquelle
mort Françoys Acremen, si comme renom
mee couroit, estoit grandement coulpa
bles⁴⁷³. Ce bastart estoit pourveu de son fait,
et poursuivy Françoys de loing, et tant
que hors de la ville de Gand et ensus de
gens il l’ataigny et l’escria parderriere
en disant: "Françoys, a la mort! Vous feystes
mourir mon pere, et vous mourre aussi."
Ainsi que Françoys se retourna, ce bastart
qui estoit un fort varlet lasche parmy
la teste un coup d’un braquemart sy pe
sent que il le pourfendy jusques aux
dens et l’abbati la tout mort a terre. Sy
s’en ala le bastart tout paysiblement.
Nul ne le suivoit, il n’en fut plus.
Ainsi mourut Françoys Acremen. Mourir
devoit, car il ne voulst oncques croirre
Pietre du Boys. Sy luy en meschey. ¶ Quant
les nouvelles en furent venues en An
gleterre et Pietre du Boys le sceut, il ne
le plaigny que un petit et dist: "Je l’en a
voye bien advisié, et chanté toutes ses
vigilles avant que je m’en partesisse de
Gand. Se il luy en est mal pris, or queréz
qui l’admende. Ce ne feront pas ceulx

qui, la guerre durant, l’onnouroyent
et l’enclinoyent. Pour telz doubtes ay
je creu messire Jehan de Boursier et suis
venuz en Angleterre."
SHF 3-105 sync Or retournons encores aux pro
visions qui se faysoient et qui se
firent en ce temps si grandes et si gros
ses au Dam et a l’Escluse, que on ne trou
voit point en memoire de homme ne
par escripture la pareille, ne on n’es
pargnoit non plus or ne argent que
donc qu’il pleust des nues ou que on
l’espuisast en la mer. Les haulx barons
de France avoient envoyé a l’Escluse
leurs gens pour appareiller leurs
ordonnances et chargier leurs vais
seaulx et pourveoir de tout ce que il
leur besoingnoit. Car il n’en y avoit
nulz vrayement qui ne deust passe,
et le roy, com jeunes qu’il feust, en a
voit il plus grant voulenté que nulz
des autres, et bien le moustra tousjours
jusques a la fin. Tous s’efforçoyent
les grans seigneurs l’un pour l’au
tre a faire grandes provisions et a
jolier et a cointtoyer leurs nefs et leurs
vaisseaulx, et a enseigner et armoier
de leurs pareures et armeures, et vous
dy que proviseurs y eurent trop bien
leur temps. Ilz gaingnerent ce que
demander vouloyent. Encores n’en
pouoit on recouvrer. On faisoit bannieres,
pennons, estramieres de cendaulx si bel
les que merveilles seroit a penser. On
paignoit les mats des nefs dessoubz
jusques en comble, et couvroit on les
plusieurs, pour mieulx monstrer richesce et
puissance, de fueilles de fin or, et dessus
on y faisoit les armes des seigneurs
auxquelz les nefs se rendoyent. Et par
especial il me fut dit que messire Guy de la Tripb 287 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.