The Online Froissart

Facsimile mode Settings Browse | Collate

pb 28 v

droit de la guerre qui fut en ce temps si
grande et si cruelle en Flandres a ceulx
de Gand et distrent que ilz orent juste cause
de guerroyer, mais il me semble jusques
a cy que n’on ont point eu ne je ne puis
veoir ne entendre ne concepvoir que le
conte n’eust tousjours plus amé la paix
que la guerre, reservé la haulteur et son
honneur ne leur renvoya il mie le bour
goys de Gand qui estoit en sa prison a Erclo?
Si m’aist Dieux si fist, et ilz lui occirrent
son baillif. Encores derechief, il leur par
donna cel oultraige pour eulx tenir en
paix, et sur ce ilz esmeurent un jour tou
te Flandres sur lui et occirrent en la ville
de Yppre voire ceulx de Yppre mesmement,
cinq de ses chevaliers et vindrent assail
lir Audenarde et assegier et se mistrent
en peine de l’avoir et du destruire. Et en
cores en vindrent ilz a chief et a paix, et
ne vouloient amender la mort de Rou
gier d’Auterive, dont son lignage l’avoit
pluseurs foiz remonstré et se ilz ont contre
vengié la mort de leur cousin sur aucuns
navieurs par lesquelx premierement
toutes ces haynes estoient esmeues et
eslevees convenoit il pour ce que Aude
narde en feust abatue? Il m’est advis, aussi
fait il a pluseurs que nennil⁸⁴. Encores avoit
le conte asséz assouldre envers ceulx de
Gand ce disoyent ilz, et vouloyent que
il leur feust admendé ce que on avoit
fait aux navieurs ainçoys que ilz ren
deissent Audenarde. Le conte qui se tenoit
a Lisle et son conseil deléz lui estoit cour
rouciéz de ce que ly Gantoys tenoient
Audenarde et ne le savoit comment ra
voir, et se repentoit trop fort quelque paix
que il eust juree ne donnee aux Gantoys
que il ne l’avoit tousjours bien garder,
si escripsoit souvent a ceulx de Gand et man

doit que on lui rendesist ou, il leur feroit
guerre si cruelle que a tousjours ilz s’en
sentiroient. Ceulx de Gand nullement
ne le vouloient advouer ce fait que
ilz eussent la paix brisiee. Finablement,
aucunes bonnes gens de Gand, riches
hommes et faittes que ne vouloient qui
bien et paix alerent tant a devant
de ces besoingnes telz que Jehan de la
Faucille, sire Ghisebrest de Gruse et sire
Simons Bette et pluseurs autres que le
XIIe jour de mars ceulx qui estoient
en la ville retournerent a Gand, et fut
rendue aux gens du conte, parmy ce,
que pour appaysier le conte, Jehan Prou
niaulx estoit bannis de Gand et de Flan
dres, pour ce estoit devisé en son bannis
sement que il estoit aléz prendre Au
denarde sans le sceu de ceulz de Gand,
et estoient banniz de la conté de Flandres
sans rappel messire Felippe Maminez,
messire Olivier d’Auterive, le Gallois
de Naminez, le bastart de Windingnez
et tous ceulz qui avoient esté a decoup
per les navieurs bourgoys de Gand. Et
parmy ces banissemens s’appaisoient
l’une partie et l’autre. Si wuidierent
tous Flandres, et vindrent Prouniaulx
demourer a Ath en Braibant, qui siet
en la conté de Haynault, messire Phe
lippe de Maminez vint a Valenciennes,
mais quant ceulx de Gand le sceurent,
ilz exploittierent tant vers les provost
et juréz de Vallenciennes dont estoit
pour ce temps prevost Jehan Partis,
qui bellement et doulcement en fist
partir le chevalier et yssi de la ville de son
bon gré et s’en vint demourer a War
laing deléz Douay et la se tint tant
que il ouy autres nouvelles et li autre
chevalier et escuier widierent Flandres, pb 29 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.