Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 293 r | Next
pb 293 r

n’a pas encores deux moys en la bonne
cité de Nantes, quant il espousa madame Jehanne
de Navarre487. Et de la tout premier remon
tay en Guerlande. Je suis revenu au Port."
Entrementres que le herault parloit
a l’escuier, avoit trop fort l’ueil sus un es
mail que le herault portoit a sa poitrine
ou les armes du roy de Portingal et de
plusieurs seigneurs estoient. Sy toucha
son doy sus l’armoyerie d’un chevalier de Portin
gal en disant: "Ha! veéz cy les armes dont
le gentil chevalier messire Jehan Parcek s’ar
me. Par ma foy, je les voy moult voulentiers.
Car elles sont a un gentil chevalier de Portingal
qui me fist une foiz grant prouffit. Bien
m’en doit souvenir." Messire Jehan d’Aubre
cicourt regarda les armes quelles le chevalier
portoit, sy les retint et me dist
depuis que le champ estoit d’argent a une
endenture de gueulles a deux chau
dieres de sable. Quant le herault ot prins
congié et il se fut partis, l’escuier fist son
compte du chevalier, et dist ainsi: "Messire, avéz
vous point veü ce gentil chevalier qui porte ces
noires chaudieres?" "Je ne sçay", dist il, "mais
a tout le moins recordéz moy la courtoisie
qu’il vous a fait, car voulentiers en orray
parler. Aussi en chevauchant ne savons
nous de quoy jangler." "Je le vueil", dist Fer
rant Martin, "car le chevalier vault bien que
on parle de luy." Adont il commença son
compte. "Il advint un petit devant
la bataille de Juberote que le roy de Portin
gal, quant il se departy de Connimbres pour ve
nir la, qu’il m’envoya chevaucher sur le
paÿs pour aler querre aucuns chevaliers de
ce paÿs pour estre avecques luy a celle
journee. Je chevauchoie, moy et un pa
ge tout seullement. Sur mon chemin, ilz
me vindrent d’encontre environ XXV lan
ces de Gascoings. Si ne me donnay de gar

de jusques a tant que je fus emmy eulx. Je fus
prins. Ilz me demanderent ou je m’en aloye.
Je leur dis que je m’en aloye au chastel de Ront. Ilz
me demanderent: "Quoy faire?" Je leur respondy:
"Pour querir messire Jehan Ferrant Parcek, car le roy
le mande que il le viengne servir a Juberote." Dont
respondirent ilz: "Et Jehan Ferrant le cappitaine
de Ront n’est il pas deléz vostre roy de Portingal?"
"Nennil", dis je, "mais il y seroit hastivement se
il le sçavoit." "En nom Dieu", distrent ilz, "il le sa
ura, car nous chevaucherons celle part".
Sus ces parolles ilz tournerent leur frain
et prindrent le chemin de Ront. Quant ilz furent en
la veue de Rent, la gaitte corna et monstra
que il veoit gens d’armes. Jehan Ferrant deman
da de quelle part ces gens d’armes venoyent.
On luy dist qu’ilz venoient devers le Port. "Ha!" dist
il, "ce sont Portingalloys qui chevauchent
a l’adventure et s’en vont vers Saint Yrain. Je
les vueil aler veoir, sy me diront des nouvel
les et ou le roy se tient". Il fist enseller son
coursier et mettre hors son pennon, et mon
ta lui XXe tant seullement et se departy de
Ront et chevaucha les grans galoz pour ve
nir a ces Castellains qui estoient ja traiz en
embusche, et avoient envoyé courir un
des leurs sur un genet. Quant Jehan Ferrant
vint sur les champs, il vit courir ce geneteur,
si dist a un sien escuier: "Or fay courir ton
genet et fay tant que tu parles a ce gene
teur qui fait ainsi monstre sur les champs".
Cil respondi: "Voulentiers, monseigneur". Sy fery
son genet des esperons et vint devers le genes
teur et le suivy de si pres que sus l’ataindre,
car celluy se faignoit qu’il se vouloit fay
re chacier, jusques a l’embusche. Quant il
doubt approuchier l’embusche, tous sail
lirent a une foiz et coururent vers luy.
Cilz qui estoit bien monté leur tourna le
dos. En chaçant, les chasseurs crioient: "Cas
tille !" Jehan Ferrant Parcek qui estoit sus les pb 293 v