The Online Froissart

Facsimile mode Settings Browse | Collate

pb 293 v

champs dessoubz son pennon vit son escuier
retourner en grant haste. Sy dist ainsi: "Ceulx
qui chacent ne sont pas de noz gens mais
sont Castellains. Aprés, aprés! Crions Por
tingal! car je les vueil combatre". A ces
motz il prinst son glaive et s’en vint ferant
de l’esperon jusques a eulx. Le premier que il
consuivy il mist a terre, et le second aussi. Des
XXV lances des Castellains qui la estoient
il en ot tantost les dix a terre, et les au
tres furent chassiéz. Sy en y ot encores des
ratains, des mors et de navréz. Et tout ce vey
je tresvoulentiers, car je veoye ma delivran
ce en pou d’eure. Je me trouvay tout seul, ne
nul ne m’acompaignoit. Adonc vins vers le che
vallier et le saluay, et quant il me vit il me
congnut, car il m’avoit veü plusieurs foiz, et
me demanda dont je venoye et que je faysoie la.
Je luy comptay mon adventure. "Et du roy", dist
il, "sçavéz vous riens?" "Par ma foy, sire", dis je, "il
doit demain avoir journee de bataille contre
le roy de Castille, car je le suis venu dire aux
chevaliers et escuiers de ce paÿs qui riens n’en savo
yent". "Demain?" dist Jehan Ferrant. "Par ma foy, sire,
voire, et se vous ne m’en creéz, si le demandéz
a ces Castellains que vous avéz prins". Adonc
s’en vint Jehan Ferrant sus les Castellains qui la
estoient et lesquelz ses gens avoient ja prins,
et leur demanda des nouvelles. Ilz luy res
pondirent que demain les roys de Castille et de
Portingal se devoient combatre, et qu’ilz s’appres
tent grandement. Pour les nouvelles le chevalier
fut moult resjouy, et tant que il dist aux Cas
tellains tout hault: "Pour la cause des bonnes
nouvelles que vous m’avéz apporté, je vous quitte
tous. Aléz en vostre chemin, mais quitter cel
escuier aussi". La me fist il quittier de ceulx
qui prins m’avoient, et il leur donna congié
et nous retournasmes ce jour a Orench.
Il s’appareilla et se departy a heure de mie
nuit, et je en sa compaignie. De la jusques

a La Cabasse a Juberoce ou la bataille fut,
puet avoir environ six lieues, mais pour
eschiver les Espaignolz et les routes nous
esloingnasmes nostre chemin. Et fut nonne
a l’andemain avant que nous veyssions les
batailles, et quant nous les deusmes approu
chier, ilz estoient tous rengiéz sus les
champs, le roy de Castille d’une part et
le roy de Portingal de l’autre part. Et ne
sceut de premier recongnoistre noz gens
Jehan Ferrant, ne lesquelz estoient Castel
lains ne lesquelz Portingalloys, "Fors ad ce
seullement, je croy, que la greigneur partie ou
il y a le plus de puepple sont Castellains".
Adonc chevaucha il tout bellement et tant
que nous venismes plus pres des Castellains
qui estoient en bataille, et croy bien que ce
furent Gascoings qui se commencierent
a desrouter et a venir sur nous. Jehan Ferrant
dist lors ainsi: "Alons, alons! Avançons
nous! Veéz cy noz annemis qui viennent
sur nous". Lors ferirent des esperons leurs che
vaulx, en criant Portingal, Portingal!,
et nous le suivismes, et noz gens qui nous
ravisierent vindrent au secours, ne oncques
les batailles ne s’en desrengierent pour ce.
Et vint Jehan Ferrant deléz le roy qui fut
moult resjouy de sa venue, et fut ce jour a son
frain et l’un des bons de tous les nostres. Pour
tant vous dis je qu’il me fist grant courtoy
sie, car il me delivra de prison et de mes
annemis. Ne me fist il donc un beau service?"
"Par ma foy", respondy messire Jehan d’Aubre
cicourt, "si fist, et aussi par vous, si comme
je l’entens, sceut il la besoingne.""C’est ve
rité", dist l’escuier. Lors chevauchierent
ilz un petit plus fort qu’ilz n’avoient fait,
et tant que ilz raconsuivirent les autres
et vindrent ce jour, ce m’est advis, a Connimbres.
SHF 3A-109 sync Comment les ambaxadeurs du duc de Lan
castre arriverent a Connimbres en Portinpb 294 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.