Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 299 r | Next
pb 299 r

rent XX moresques a sy pou de peine.
Ilz veullent que je les comperre cy.
Saintte Marie!" dist il, "encores que ilz
me donroyent ja tart autant, ilz auro
ient plus chier que je feusse pendu!"
A ces mots, quant il vit que il n’en
auroient autre chose, il retira son che
val et vint ou il avoit laissié le mares
chal et les routes. Quant il y fut venu,
ilz lui demanderent: "Or advant! quel
les nouvelles? Ces villains de Ribeda
ne, se feront ilz assaillir, ou se ilz se ren
dront aussi comme les autres?" "Par ma
foy," dist le herault, "je n’en sçay riens.
Ilz sont sy orgueilleux que pour chose
que je aye appellé ne hué, ilz ne m’ont
encores oncques riens respondu." Dont
dist messire Jehan Abunrelle au he
rault: "As tu veü nulluy par adven
ture? S’en sont ilz fouyz et ont laissié
la ville pour la doubte de nous?" "Fouyz?"
dist le herault, "Monseigneur, saulve
vostre grace, ilz ne taigneroient, car avant
que vous les ayéz, ilz vous donront plus
de peine que tous les autres de Galli
ce. Sachiéz que il y a dedens gens asséz,
car je les vy, et quant j les appello
ie en hault en disant: "Escoutéz, je suys
un herault que les seigneurs envoient
cy pour parler et traittier a vous", ilz
se taisoient tous quoys et me regar
doyent et puis se rioyent." "Haa!
les faulx villains", dist le mareschal,
"ilz seront bien chastiéz, aussi seront ilz
par saint George. Car jamais de la
marche je ne partiray, si les aray mis
en obeyssance, se monseigneur de
Lancastre ne me remande. Or nous
ordonnons, mengons et beuvons un
coup, et puis nous yrons a l’assault.
Car je vueil veoir Ribedane de plus pres,
et quelle forteresse il y a, quant les

villains sont sy orgueilleux que ilz ne
font compte de nous." Ainsi fut fait ce que
le mareschal ordonnoit497.
Quant quant ilz eurent mengié et beu
un cop, il faisoit aussi souef que en may.
Ilz monterent tous a cheval et se mistrent
au chemin en sonnant leurs trompettes
qui faisoyent grant noise. Ilz n’avoient
gaires a aler, ilz furent tantost devers
la ville de Ribedane. Et coururent de commen
cement aucuns chevaliers et escuiers en faisant
leurs monstres jusques aux barrieres,
et ne trouverent nulluy, mais il y avoit
en la porte grant foyson d’arbalestriers
qui commencierent a traire, et tant que il il
y ot des chevaulx atains et bleciéz. Dont
vindrent archiers qui se rengierent de
vant les barrieres et sus les fosséz, et
commencierent a traire a pouoir a l’en
contre de ces arbalestriers. Et la ot assault
du trait grant et fort qui longuement dura.
Voirs est que la ville de Ribedane est forte
asséz et que de l’un des léz elle n’est pas a
conquerre, car elle sciet sus roche toute
vive ou mulz ne pourroit monter. De
l’autre part ou l’assault estoit elle siet au
plain, mais il y a grans fosséz ens esquelz
il n’y a point d’eaue, mais ilz sont malaisiéz
a monter, esquelz chevaliers et escuiers es esprou
verent a aler, et puis au monter portoient
targes sur leurs testes pour brisier le tret
et le get des pierres qui venoient d’amont.
Et archiers estoient rengiéz au long des
fosséz qui traioient a pouoir si ounniement
que a peines s’osoit nulz deffendans mon
strer. La ot ce jour a Ribedane grant as
sault, et plusieurs de ceulx dedens et dehors
bleciéz. Quant ce vint au soir que il fut
temps de retraire, on sonna la retraitte.
Si cessa l’assault et se retrairent les An
gloys a leurs logeys dont ilz s’estoient
partiz, et se tindrent tout ayse de ce que pb 299 v