Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 29 r | Next
pb 29 rXXIX

et alerent en Braibant tant que ilz ouy
rent aussi autres nouvelles.
SHF 2-133 sync Sitost que le conte de Flandres fut
revenuz en possession de la ville
de Audenarde, il manda ouvriers a
force et la fist reparer portes tours et
murs plus fort que devant et relever
tous les fosséz. Tout ce savoient bien
les Gantoys que le conte y faisoit ou
vrer, mais nul semblant n’en faisoient.
Car ilz ne vouloyent point estre re
prins de enffraindre la paix et disoient
les folz et les oultragieux: "Laissons ou
vrer se Audenarde or estoit toute d’a
cier si ne pourroit elle durer contre
nous, quant nous vouldrons." Et quoy
que il y eust adoncques paix en Flan
dres le conte estoit en souspeççon tous
jours de ceulx de Gand. Car tous les
jours on lui rapportoit dures nouvelles,
et ceulx de Gand aussi du conte et n’e
stoient mie bien asseuréz. Jehan de la
Faucille s’en vint demourer a Nazaret,
une trop belle maison et asséz fort lieu
que il avoit a une grande lieue de
Gand, et la fist son attrait tout bellement,
et venoit trop pou a Gand et se dissimu
loit ce qu’il pouoit, et ne vouloit point
estre aux consaulx de ceulx de Gand.
Par quoy il n’en feust demandéz du conte.
Aussi du conte il se mettoit arriere
ce que il pouoit, pour tenir ceulx de
Gand a amour. Ainsi nouoit il entre
deux eaues et se faisoit neutres a son
pouoir85. Entrementes que le conte
de Flandres faisoit reparer la ville
de Audenarde et en estoit tout au dessus,
il procuroit par lettres et par messai
ges devers son cousin le duc Aubert
de Haynault que il peust avoir Jehan
Prouniaulx, qui se tenoit a Ath. CTant
exploitta que on lui delivra et fust

amenéz a Lisle. Quant le conte le tint
ens ou chastel de Lisle, il le fist decoler, et
puis mettre sus une roe comme traytre.
Ainsi fina Jehan Prouniaulx86. Encores en
celle sayson le conte de Flandres s’en vint
a Yppre et la fist il faire grant foyson
de justice et decoler mescheans gens telz
que foulons tysserans qui avoient mis
a mort ses chevaliers et ouvert les portes a
l’encontre de ceulx de Gand affin que les
autres y presissent exemple87.
SHF 2-134 sync De toutes ces choses estoient infour
méz ly Gantoys, si se doubterent trop
plus que devant, et par especial les cap
pitaines qui avoient esté en ses chevau
chees et devant Audenarde et disoient
bien entre eulx: "Certes se le conte puet,
il nous destruira tous. Il nous aime bien,
il n’en veult que les vies. N’a il mie fait
mourir Jehan Prouniaulx? Certes au voir
dire, nous avons fait a Jehan Prouniaulx
grant tort, quant nous l’avons ainsi
estestchacié et esloingné de nous. Nous
sommes coulpables de sa mort et a celle
fin venrons nous tous se on nous puet
attrapper. Soyons sur nostre garde." Ce
dist Pietres du Bos: "Se j’en estoye creuz,
il ne demourroit en estant forte maison
de gentilhomme en la païx de Gand.
Car par les maisons des gentilzhommes
qui y sont, pourrons nous et serons encores
tous destruis, se nous n’y prennons garde
et pourveons de remede." Respondirent
les autres: "Vous dittes voir, or tost avant
abatons tout." Adonc s’ordonnerent
ces cappitaines Pietre du Bos, Jehan Boulle,
Rasses de Harselle, Jehan de Lannoy et plu
sieurs, et se partirent un jour de Gand
bien XVC, et alerent en celle sepmaine
tout environ Gand en la païx de Gand
et abatirent et ardirent toutes les mai
sons des gentilzhommes et tout ce que pb 29 v