The Online Froissart

Facsimile mode Settings Browse | Collate

pb 29 v

ilz trouverent ens, ilz le departirent entre
eulz a butin et puis quant ilz orent ainsi
exploittié, ilz rentrerent en Gand ne oncques
ne trouverent qui deist: "Vous avéz mal
fait." ¶ Quant les gentilzhommes,
chevaliers et escuiers, qui se tenoient a Lisle
deléz le conte et ailleurs, entendirent
ces nouvelles, si en furent durement
courrouciéz et a bonne cause, et distrent
au conte que il couvenoit que cilz des
pis feust admendéz, et li orgueilx de ceulx
de Gand abatuz. ¶ Adonc abandonna
le conte aux chevaliers et escuiers a faire
guerre aux Gantoys et a eulx contreven
gier leurs dommaiges. Si se recueillirent
et mistrent ensemble pluseurs cheva
liers et escuiers de Flandres et prierent
leurs amis de Haynault pour eulx ay
dier a contrevengier et firent lors leur cap
pitaine du Hasle de Flandres ainsné
filz du conte, bastart, un moult vaillant
chevalier et appert. Cilz Hasles de Flandres
et ses compaignons se tenoient une foiz
a Audenarde, l’autre a Gauvres puis
a Alos, puis a Terremonde, et herioient gran
dement les Gantoys et couroyent jusques
aux barrieres de la ville et abatirent
presques tous les moulins a vent qui
estoient environ Gand, et firent en celle
saison moult de despis a ceulx de Gand,
et estoit en leur compaignie un jenne
chevalier de Haynault et de grant voulenté
qui s’appelloit messire Jaquemez de Wer
thin, seneschal de Haynault, cilz en celle
sayson fist pluseurs grans appertises d’ar
mes environ Gand, et s’aventuroit, telz
foiz estoit, moult follement et moult
oultragieusement et venoit lancier
et combatre aux barrieres, et conquist
par deux ou par trois foiz de leurs ba
cinés et de leurs arbalestres. Cilz mes
sires Jaquemes de Wrthin, seneschal de

Haynault, fut un chevalier de grant voulenté
et qui moult amoit les armes, et eust
fait sans faulte de lui vaillant homme,
se il eust longuement vescu, mais il
mourut jennes et sus son lit ou cha
stel d’Oubies deléz Mortaigne, dont ce
fut dommaiges. SHF 2-135 sync Comment les Fla
mens furent guerroyés par les nobles
du conte de Flandres, et de la mort de
messire Bertran du Guesclin, connestable
de France.
Ly Gantoys qui se veoient
heriéz des gentilzhommes du
paÿs de Flandres et d’ailleurs, estoient
courrouciéz et eurent empensé de envoyer
et de prier au duc Aubert que ilz voulsist
retraire et rappeller ses gentilzhommes
qui les guerroient, mais tout consideré,
ilz virent bien que ilz perdroyent leur
peine. Car le duc Aubert n’en feroit riens,
et aussi ilz ne le vouloyent mie cour
roucier ne mettre sus ne avant chose
de quoy ilz le courrouçassent ne me
rencouliassent. Car ilz ne pouoient
sans lui ne son paÿs, et ou cas que
Haynault, Hollandes et Zellandes leur
seroit clos, ilz se comptoient pour perduz,
sy ne tindrent mie ce propos, mais
orent un autre, que ilz manderoyent
aux chevailliers et aux escuiers de
Haynault qui tenoient aucuns heri
taiges ou rentes en Gand et en la cha
stellerie que ilz les voulsissent servir
ou ilz perdroyent leurs revenues. Ilz
le firent, mais nulz n’en fist compte
de leur mandement. Et par especial,
ilz manderent au seigneur d’Antoing
messire Hues, qui est chastellains et
heritiers de Gand, que il les venist servir
de sa chastellerie, ou il perdroit ses droiz
et lui abatroyent son chastel de Vienne
tout jus. Le sire d’Antoing leur remanda
que voulentiers les serviroit a leur depb 30 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.