Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 300 r | Next
pb 300 r

et a son conseil. Le roy les prennoit toutes
en grant bien et adjoustoit grant verité
et se confortoit sus, et aussi les chevaliers de
France ne lui recordoient fors pour veri
té. Car ilz tenoient le roy de France et
sa puissance passéz en Angleterre et,
comme renommee couroit, partout
en Espaigne, Gallice et Portingal. Et
sachiéz que on n’en disoit pas le quart
au duc de Lancastre que ces gens en
ouoient dire et compter, pellerins et
marcheans qui venoient de Flandres,
de quoy le roy de Portingal, quoyque sou
vent escripsist salus au duc de Lancas
tre, s’en dissimuloit de luy trop haster d’en
voer querre Phelippe de Lancastre que il de
voit prendre a femme. Car pour cer
tain ses gens luy disoyent que nou
velles venoyent de France et de Flandres
que Angleterre estoit en trop grant adven
ture d’estre toute exillee, et celle estoit le
confort du duc de Lancastre, ne le maria
ge de sa fille ne lui vauldroit neant,
pourquoy couvertement et moyenne
ment il se demenoit de ses besoingnes
et vouloit veoir la fin, quelle elle seroit,
mais par lettres et par meissages il
tenoit tousjours a amour le duc et la
duchesce500. Nous nous souffrerons
un petit a parler des besoingnes de Cas
tille et de Portingal et parlerons de
ceulx de France.
SHF 3-116 sync En ce temps les apparances estoient
si grandes de planté de naves, de
gallees, de vaisseaulx, de ballengniers
pour passer le roy de France oultre, et ses
gens, en Angleterre, que le plus vieil
homme n’avoit point veü ne ouy par
ler de la cause pareille. Et les seigneurs
et leurs gens arrivoient et applouvo
ient de tous léz, et se tenoient chevaliers et es
cuiers, quant ilz se partoient de leurs

maisons pour aler avecques le roy de
France en Angleterre, et disoient: "Or yrons
nous sus les malois Anglois qui ont fait
tant de maulx et de persecucions ensemble
en France. A ces coups en aurons nous la
vengeance de noz peres, de noz freres
qu’ilz nous ont mis a mort, et de noz a
mis aussi, et desconfis." Et sachiéz que on
mist plus de XII sepmaines a faire les
pourveances des seigneurs, si grandes et
si grosses que ce seroit merveilles a penser
et de chargier vaisseaulx. Et disoit on en
Flandres: "Le roy venra demain." Et d’autre
part, de Gascoingne, d’Armignach, de Commin
ges, de Thoulousain, de Bigorre, d’Auvergne,
de Limosin, de Poitou, d’Anjou, du Maine, de
Touraine, de Bretaigne, de Bloys, de Orliens,
de Gastinois, de Beausse, de Normandie,
de Picardie et de toutes les mettes de Fran
ce, et tout venoit et se logoit en Flandres et
en Artois. Quant ce vint a la my a
oust et que le voiaige devoit approuchier
et que les longtains des longtaines mar
ches s’avalloient, et encores pour eulx
plus haster et pour donner exemple a
tous que le roy entreprennoit ce voyai
ge de grant voulenté, le roy de France prist
congié a la royne sa femme, a la royne
Blanche, a la duchesce d’Orliens et aux dames
de France, et ouy messe sollempnelle en
l’eglise Nostre Dame de Paris, et prist lors con
gié a tous. Et estoit son entencion que, luy
yssu de Paris, il n’y rentreroit jamays,
sy auroit esté en Angleterre501. Toutes les
citéz et les bonnes villes de France le creo
yent bien. Le roy s’en vint a Senlis et la se
tint, et la royne de France aussi. Encores
estoit le duc de Berry en Berry, mais on fai
soit ses pourveances en Flandres et a l’Es
cluse si comme l’en faisoit les autres. Le
duc de Bourgoingne estoit en son paÿs, sy
prinst congié a la duchesce et a ses enffans pb 300 v