Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 305 v | Next
pb 305 v

le Grys clouy l’uys aprés luy, ne la dame ne
s’en donna oncques de garde qui passoit
devant et cuida que le vent l’eust clos,
et Jaques lui fist entendant. Quant
ilz furent la entre eulx deux ensemble,
Jaques l’embrace et se descouvry vistement
de sa mauvaistié. La dame fut tout esba
hye, et feust voulentiers retournee a l’uis
se elle eust peü, mais elle ne peut, car
Jaques qui estoit fort homme et dur l’am
braça et la mist a terre sus les carreaulx
et en fist sa voulenté. Tantost qu’il ot
fait, il ouvry l’uys et s’appareilla pour
partir. La dame, toute courrouciee de ce
que avenu luy estoit, demoura toute
seulle ou dongon, mais au departement
de l’escuier la dame tout en plourant
lui dist: "Jaquet, Jaquet, vous avéz mal
fait de me avoir vergondee, mais le
blasme n’en demourra ja sur moy fors
que sur vous, se Dieux donne que monseigneur
mon mary retourne." Jaquet party, et
monta sur son coursier et yssy hors du
chastel et retourna arriere deléz son sei
gneur le conte d’Alençon, et fut a son
lever sur le point de IX heures, et au
matin a IIII heures on l’avoit veü en
l’ostel du conte. Or vous diray
pourquoy je met ses parolles en ter
mes et avant: pour la grande plaido
ierie qui a Paris s’ensuivy, et pour
ce que la chose fut au pouoir des com
missaires de Parlement examinee et
inquisitee. La dame de Carrouge a ce jour
que ceste doulente aventure lui fut
advenue demoura en son chastel et
se porta et couvry au plus bellement
qu’elle peut, ne oncques pour l’eure ne
s’en descouvry a varlet ne a chamberiere
que elle eust, car elle veoit bien et con
sideroit que en parler eust elle peü a
voir plus de blasme que d’onneur.

Mais elle mist bien en memoire et
en retenance le jour et l’eure que cel
luy Jaquet le Gris estoit venu ou chas
tel. Or advint que le sire de Car
rouge son mary retourna du voyai
ge ou il estoit alé. La dame sa femme
a sa revenue luy fist tresbonne chie
re, aussi firent toutes ses gens. Ce jour
passa, la nuit vint. Le sire de Carrou
ge se coucha, la dame ne se vouloit
couschier, dont le seigneur avoit
grant merveille et l’amonnestoit
moult de couschier. La dame se faing
noit, et aloit et venoit parmy la cham
bre, penssant. En la fin, quant
toutes leurs gens furent couschiéz,
elle vint devant son mary et se mist
a genoulx et lui compta moult pi
teusement l’adventure qui adve
nue luy estoit. Le chevalier ne le pouoit
croirre que il feust ainsi. Toutesfoiz,
tant lui dist la dame que il s’accor
da, et lui dist bien: "Certes, dame, mais
que la chose soit ainsi que vous le
me comptéz, je le vous perdonne.
Mais l’escuier en mourra par le
conseil que j’en aray de mes amis
et des vostres, et se je treuve en faulx
ce que vous me dittes, jamais en
ma compaignie vous ne seréz." La
dame de plus en plus luy certiffioit
et luy affermoit que c’estoit pure
verité. Ceste nuit passa. A l’endemain
le chevalier fist escripre beaucoup de
lettres et envoya devers les amis
de sa femme, aux plus especiaulx
et a ceulx aussi de son cousté, et fist
tant que dedens un brief jour ilz furent
venuz au chastel d’Argentem. Il les re
cueilly saigement et les mist tous en
une chambre, et puis il leur entama
la mateire de ce pourquoy il les avoit pb 306 r