Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 306 v | Next
pb 306 v

ce fut rayson. Et retournerent le roy et les
seigneurs en France. Et tint le roy de Fran
ce en ses jours ses festes de Noel en la cité
d’Arras, et le duc de Bourgoingne a Lisle.
Et endementres passerent toutes manie
res de gens d’armes et retournerent en Fran
ce, et chascun sus son lieu, si comme il estoit or
donné par les mareschaulx. Mais les grans
seigneurs se trayrent vers Paris pour ve
oir le champ. Or furent revenuz le roy
de France et ses oncles et le connestable a
Paris. Sy furent les lices faittes du champ
en la place Saintte Katherine derrieres le
Temple, et la y ot tant de puepple que mer
veilles seroit a penser, et avoit sur l’un des
léz des lices fais grans escharfaulx pour
veoir les seigneurs la bataille des deux
champions, lesquelz vindrent ou champ
et furent arméz de toutes pieces ainsi comme
a eulx appartenoit. Et la furent assis chascun
en sa chayere, et gouvernoit le conte de
Saint Pol messire Jehan de Carrouge, et les
gens du conte d’Alençon Jaques le Gris.
Quant le chevalier deubt entrer ou champ,
il vint a sa femme qui la estoit en un char
couvert de noir, et luy dist ainsi: "Dame,
sur vostre infourmacion je voiz aventu
rer ma vie et combatre Jaques le Gris.
Vous sçavéz se ma cause est juste et loyal
le." "Monseigneur," dist la dame, "il est ainsi
et vous combatéz sceurement, car la cause
est bonne." A ces motz le chevalier baisa sa fem
me et la prinst par la main, et puis se sei
gna et entra ou champ. La dame demoura
dedens le char couvert de noir en grans
oroisons envers Dieu et la Vierge Marie
et en proiant humblement que a ce jour
par leur grace elle peust avoir victoire se
lon le droit qu’elle avoit. Et vous dy qu’elle
estoit en grans transses et n’estoit pas as
seuree de sa vie. Car se la chose tournoit a
desconfiture sus son mary, il en estoit senten

cié que sans remedde on l’eust arse, et
son mary pendu. Je ne sçay, car je n’en
parlay oncques a luy, se elle s’estoit point
plusieurs foys repentie de ce que elle
avoit mise la chose sy avant que son
mary et elle mis en ce grant dangier
et peril. Finablement il en couvenoit
attendre l’adventure. Or comman
cierent et furent mis les deux champi
ons l’un devant l’autre ainsi comme il
appertenoit a faire, et puis monterent
sus leurs chevaulx, et se maintindrent
de premier moult arreement, car bien
congnoissoyent armes. La avoit grant
foyson de seigneurs de France, lesquelz
estoient venuz pour eulx veoir comba
tre. Sy jousterent les champions de
premiere venue, mais riens ne se for
firent. Aprés les joustes ilz se mistrent
a pié et en ordonnance pour parfaire leurs
armes, et se combatirent moult vaillam
ment. Et fut de premier messire Jehan
de Carrouge navré en la cuisse, dont tous
ceulx qui l’amoient en furent en grant
effroy. Et depuis se porta il sy vaillam
ment que il abaty son adversaire a ter
re et luy bouta une espee ou corps et l’occist
ou champ, et puis demanda se il avoit
bien fait son devoir. On luy respondi
que ouyl. Si fut Jaques le Gris delivré
au bourreau de Paris qui le trayna a
Montfaulcon, et la fu il pendu. Adonc
messire Jehan de Carrouge vint devant
le roy et se mist a genoulx. Le roy le fist
lever et luy fist delivrer mille frans
ce propre jour, et le retint de sa chambre
parmy CC livres de penssion par an que
il luy donna toute sa vie. Messire Jehan
de Carrouge remercia le roy et les sei
gneurs et vint a sa femme et la baisa,
et puis alerent a l’eglise Nostre Dame faire
leurs offrandes, et puis retournerent pb 307 r