Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 308 v | Next
pb 308 v

ne s’effreast en riens, car "Il a esté pris pour
guerroier ceulx de Barselonne" qui teno
ient en prison l’arcevesque de Bourdeaulx
a petite cause, et que bien le raroit sans
son dommaige. La dame s’appaisa sur ce
et se dissimula et s’en ala demourer en un
sien autre chastel pres de Roquebertin.
Ceulx du chastel, de Chastel Vieil de Rel
banes et Dulcem, et aussi ceulx de Lourde,
guerreoyent grandement les frontieres
d’Arragon. Le roy au veoir s’en dissimuloit
pour donner chastiement aux villes, et
tant que les bonnes villes se contempte
rent mal du roy. Car ceulx de Barselonne,
de Parpegnant ne de plusieurs autres
ne pouoient en leurs marcheandises
que ilz ne feussent prins et reançonnéz.
Si s’avisierent ceulx de Barselonne que
ilz delivreroient l’arcevesque de Bour
deaulx. Mais de sa delivrance ilz en par
leroient ainçois au roy, c’estoit rayson. Et
traittierent tout quoiement par voye de
moyen devers le frere du roy messire
Martin le duc de Blamont, lequel estoit
grandement en la grace de toutes gens,
que il voulsist tant faire devers son fre
re le roy que ilz eussent paix a ceulx de
Lourde et a ceulx de Rolbanes. Celluy leur
envenança pour eulx tenir a amour, et
fist tant devers son frere que l’arcevesque
de Bourdeaulx fut delivré de prison et
renvoyé en Bourdeloys. Asséz tost aprés
fist tant le conte de Foix que la viscon
tesce recouvra son chastel, et s’en partirent
ceulx qui le tenoient. Ce service fist le con
te de Foix en cest an au duc de Lancastre.
SHF 3-125 sync Quant le roy d’Arragon vit que la con
tesse de Chastelbon estoit sitost retour
nee a son chastel, si la manda. Elle vint. Le
roy lui mist sus que elle avoit mis les
Anglois en son chastel pour lui guerro
yer et son royaulme, et que trop c’estoit

forfaitte. La dame s’escusa de verité, et
dist: "Monseigneur, se Dieu m’aÿst et
les sains, par la foy que je doy a vous,
au jour et a l’eure que on me dist les
nouvelles que mon chastel estoit prins
de ceulx de Lourde, je n’avoie oncques
eu traictiéz ne parolles a y ceulx An
gloys, et en escripsi devers mon cou
sin monseigneur de Foix en priant pour
Dieu que il le me feist ravoir et que
ceulx qui pris l’avoient estoient de
Berne et yssus de Lourde. Le conte me
remanda que je ne me doubtasse en
riens, et que ceulx qui le tenoient l’avo
yent emprumpté pour guerroier ceulx
de Barselonne." Dont dist le roy: "Or me
faittes tantost prouver ces parolles
par vostre cousin de Foix, ou je vous
touldray le chastel." La dame dist:
"Voulentiers." Elle envoya toutes ces
parolles devers le conte de Foix qui pour
ces jours se tenoit a Orcays en Berne,
en lui priant que il le voulsist appay
sier et excuser au roy d’Arragon. Le
conte le fist et envoya lettre et un sien
chevalier messagier, messire Cicart de Sav
redun, en remonstrant que il prioit
au roy d’Arragon que il voulsist tenir
en paix sa cousine et la laissast dessoubz
luy vivre et de son heritaige, ou autre
ment il lui en desplairoit. Le roy d’Ar
ragon tint les excusances a bonnes
et fist grant chiere au chevalier du conte
de Foix, et dist: "La viscontesse a bien
fait, puisque son cousin de Foix la
veulst excuser." Ainsi se porterent
ces besoingnes, et demoura la viscon
tesse du Chastelbon en paix, mais
pour ce n’y demourerent pas les mar
cheans pour ceulx de Lourde, de la cité
de Barselonne et des frontieres. Ainçois
estoient souvent pris et pilliéz se ilz pb 308 bis r