The Online Froissart

Facsimile mode Settings Browse | Collate

pb 30 rXXX

struction, et que ilz n’eussent en lui nulle
fiancé, car il leur seroit contraires et
fors ennemis, ne il ne tenoit riens de
eulx ne vouloit tenir fors de son seigneur
de Flandres, au quel il devoit service et
obeyssance. Le sire d’Anthoing leur tint
bien tout ce que il leurs avoit promis.
Car il leur fist guerre mortelle et leur
porta moult de dommaiges et de con
traires et fist garnir et pourveoir
son chastel de Vienne, de la quelle gar
nison ceulx de Grantmont estoient fort
heriéz et travailléz. D’autre part le sire
d’Anghien qui estoit encores un jeune es
cuier et de grant voulenté et s’appelloit
Wautiers leur faisoit moult de contray
res et de despis. Ainsi se continua toute
celle saison, et n’osoyent li Gantoys issir
hors de leur ville fors en grant route
lesquelx quant ilz trouvoyent leurs
ennemis ilz n’avoient nulle mercy
tant que ilz feussent les plus fors,
mais occioyent tout. Ainsi s’enfellon
nia et monteplia ceste guerre entre
le conte de Flandres et ceulx de Gand
qui cousta depuis cent mille vies
deux foiz, ne a grant peine y peust on
trouver fin ne paix. Car les cappi
taines de Gand si se sentoyent si mef
fait envers leur seigneur le conte, et
puis le duc de Bourgoingne que ilz
n’esperoient mie que pour seelléz ne
traittier que on leur jurast ne feist, ilz
peussent jamaiz venir a paix que ilz
n’y meissent les vies. Celle doubte leur
faisoit tenir leur oppinion et guerroyer
hardiement et oultraigieusement. Si
leur cheÿ bien par pluseurs foiz de leurs
emprises ainsi comme vous orréz recor
der avant en l’istoire.
SHF 2-136 sync Le conte de Flandres qui se tenoit
a Lisle oyoit tous les jours dures

nouvelles de ceulx de Gand et comment
ilz abatoyent et ardoient tous les jours
ses maisons et les maisons des gen
tilzhommes. Si en estoit tous courrou
ciéz. Et disoit que il en prendroit en
cores si grant vengeance que il met
troit Gand en feu et en flambe et tous
les rebelles aussi. Si rappella le conte
pour estre plus fort contre ces Gantoys
tous les bannis de Flandres et leur aban
donna son paÿs pour resister contre
les Blancs Chapperons et leur bailla
deux gentilzhommes a cappitaines,
le Galloys de Maminez et Pierre d’Estiene
lins. Ces deux avecques leurs routes
porterent la banniere du conte et se
tindrent environ trois sepmaines
entre Audenarde et Courtray sus le
Lis, et y firent moult de dommaiges.
¶ Quant Rasses de Harselles en sceut
le couvenant, il wida hors de Gand a
tout les Blancs Chapperons et s’en vint
a Douse et cuida trouver les gens du
conte, mais quant ces bannis sceu
rent que les Gantoys venoyent, ilz
se retrayrent vers Tournay et s’amas
serent en la Peulle et se tindrent un
grant temps entour Ourchies et Le
Daing et Rougy et Wrlain, et n’osoient
ly marchant aler de Tournay a Douay
pour ces bannis, et disoit on adonc que
les Gantoys venroyent assegier Lisle
et le conte de Flandres dedens et trait
toient a ceulx de Bruges et de Yppre pour
faire cest emprise et avoyent Grant
mont et Courtray de leur accord, mais
ceulx de Yppre et de Bruges varioient,
car les gros et les riches bourgoys en
ces deux villes n’estoyent mie d’accord
aux menuz mestiers et disoient que
ce seroit grant follie d’aler si loing met
tre siege que devant Lisle, et que le conte pb 30 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.