The Online Froissart

Facsimile mode Settings Browse | Collate

pb 311 r

aulment envers nous qui l’avons mis
en la possession et seigneurie de Bretai
gne. Et qui nous en croirroit, nous lui
osterions aussi bien que donné lui avons,
et mettrions hors Jehan de Bretaigne son
adversaire, lequel le paÿs ayme mi
eulx toutesfoiz que ilz ne font luy. Nous
ne nous pourrions mieulx vengier de
luy, ne plus tost faire perdre toute Bre
taigne."SHF 3-129 sync Bien sçavoit le connestable que
telles parolles et murmuracions es
toient communement entre les Anglois
sus le duc de Bretaigne, dont il n’estoit
pas courroucié. Car pour un mal que
on disoit de luy, il vaulsist autant que
on en deist treize. Mais nul semblant
n’en faisoit l’escuier de Bretaigne qui
estoit infourmé de son secret. On l’ap
pelloit, ce m’est advis, Jehan Roulant,
et advint que quant messire Jehan
de Harleston la cappitaine de Chierebourc
fut a Chastel Josselin du connestable,
lequel a lui et a sa compaignie fist celle
grace que conduire jusques a Chiere
bourc et sans peril, et donna le connes
table a disner ens ou Chastel Jossellin
messire Jehan de Harleston et les Anglois
et leur fist faire la meilleur compaig
nie qu’il peut pour mieulx avoir
leur grace. Et la s’avança l’escuier du
connestable a parler a messire Jehan de
Harleston, present le connestable, et
dist a messire Jehan: "Vous me feriéz un
grant plaisir se il vous venoit bien a
point." "Pour l’amour du connestable, je
vueil bien que il me couste; et que vou
léz vous que je face?" "Sire", dist il, "que
sus vostre conduit je puisse aler en An
gleterre veoir mon maistre Jehan de
Bretaigne que je verroye tres voulen
tiers, et le greigneur desir que j’aye
en ce monde, c’est que de luy veoir." "Par

ma foy", respondi messire Jehan de Harleston,
"ja par moy ne demourra que vous ne le
voyéz et, moy retourné a Chierebourc, je
doy temprement aler en Angleterre, sy
venréz avecques moy et je vous condui
ray et feray raconduire. Car vostre reques
te n’est pas reffusable." "Grant mercy, mon
seigneur", respondi l’escuier, "et je tiens la
grace a belle." L’escuier se departy du Chas
tel Jossellin avecques messire Jehan de
Harleston et vint a Chierebourc. Quant
messire Jehan ot ordonné ses besoignes,
il se departy de Chierebourc et monta en
un vaissel en mer, Jehan Rollant en sa com
paignie, et vint en Angleterre et droit a
Londres, et fist Jehan Roulant mener ou
chastel ou Jehan de Bretaigne estoit. Jehan
de Bretaigne ne le congnoissoit quant il le vit,
mais il se fist congnoistre, et parlerent
ensemble et ot traictié entre Jehan de Bre
taigne et le connestable que se Jehan de
Bretaigne vouloit entendre en sa delivran
ce, le connestable y entendroit grandement.
Jehan, qui se desiroit a veoir delivre, deman
de comment. "Sire", dist il, "je le vous diray.
Monseigneur le connestable a une belle
fille a marier, la ou vous vouldrés jurer
et prommettre que, vous retourné en Bre
taigne, vous la prendréz a femme. Il vous
feroit delivrer d’Angleterre, car il y a trou
vé le moyen comment." Jehan de Bretaigne
respondi: "Ouyl, vrayement. Vous retourné
pardela, dittes au connestable que il n’est
chose que je ne doie faire pour ma delivran
ce, et que sa fille je prendray et espouseray
tresvoulentiers." Jehan de Bretaigne et l’es
cuier orent plusieurs parolles ensem
ble, et puis se departy d’Angleterre l’escuier,
et lui fist avoir passaige a sa voulenté
en Bretaigne messire Jehan de Harleston,
et retourna en Bretaigne et recorda au con
nestable tout ce que il avoit trouvé et fait. pb 311 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.