Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 314 r | Next
pb 314 r

Angloys saisiz de la greigneur partie
des vaisseaulx et avoient pris messire
Jehan Buq, le patron de la navie, et tous
ceulx dedens. Et quant Arnoul le
Maire en vit la maniere, que la chose aloit
mal pour leurs gens, si fist traire trois
foiz ses arbalestriers et puis se mist au
retour, et fut chaciéz jusques dedens le
havre de l’Escluse. Mais les nefs qui le
chaçoient estoient sy grosses que elles ne
peurent approuchier de sy pres pour
la terre que la barge fist. Par telle ma
niere se sauva il, et toute sa route.
Moult furent les gens de l’Escluse esba
hiz quant les nouvelles furent la
venues que l’armee d’Angleterre leur
venoit, et avoient rué jus et desconfit
l’armee de Flandres et la grosse flotte qui
venoit de La Rochelle. Et cuidierent bien
avoir l’assault, si ne sçavoient lequel
faire ne auquel entendre, ou guerpir
leur ville ou tout laissier, ou entrer ens
es vaisseaulx qui la dormoient a l’an
cre, et garder le pas. Et sachiéz que, se
les Angloys eussent bien certainement
sceu du couvenant de l’Escluse, ilz eussent
esté seigneurs de la ville et du chastel, ou
se ilz eussent creü Pietre du Boys, car il
conseilloit trop fort, quant ilz furent au
dessus de la bataille et ilz eurent saisy
toute la navie, que on venist a l’Escluse
et que de fait on le gaigneroit. Mais
les Angloys ne l’avoient point en courai
ge ne en conseil. Ainçois disoyent: "Nous
ferions une trop grant follie de nous bou
ter en la ville de l’Escluse, et puis ceulx de
Bruges, du Dam et d’Ardembourc venroient
et nous enclorroyent. Ainsi perdrions
nous tout ce que nous avons gaingné.
Il vault trop mieulx que nous le gardons
et que nous guerrions saigement que

follement." Ainsi ne se bouterent point les An
glois oultre la rive de la mer vers l’Escluse,
mais ilz se mistrent en peine d’ardoir la na
vie qui estoit ou havre de l’Escluse, qui la gisoit
a l’ancre. Mais des vaisseaulx qu’ilz avoient
prins, ilz prindrent des plus legiers et les
plus seiches, et les oingnirent bien dehors
et dedens de huille et de graisse et puis bou
terent le feu dedens, et les laissierent aler
aval le vent et avecques la maree qui venoit,
a l’Escluse. Ces vaisseaulx ardoient bien cler,
et le faisoient les Anglois en celle entente
que ilz se prensissent aux grans et gros
vaisseaulx qui la estoient d’Espaigne et d’au
tres paÿs, ilz n’avoyent cure de quy, mais le
feu n’y porta oncques dommaige a vaissel
qui y feust. SHF 3-133 sync Comment les Angloys arrive
rent a l’Escluse et de ce toutes gens s’esbahys
soient, et comment ilz ardirent plusieurs
villes. Et comment le mareschal du duc de
Lancastre prist la ville de Ribedane qui
moult fort s’estoit tenue.
Aprés ce que les Anglois orent desconfit
messire Jehan Buq qui venoit de la Ro
chelle ou ilz orent grant prouffit et par especi
al ilz orent bien neuf mille tonneaulx de vins
dont la vinee toute l’annee en fut plus chiere
en Flandres et en Haynault et en Braibant et
a meilleur marchié en Angleterre. Ce fut ray
son. Ainsi se portent les adventures, nul n’a
dommaige que les autres n’aient prouffit.
Ne se departirent pas pour ce les Anglois de
devant l’Escluse mais furent la a l’ancre et
coururent de leurs barges et de leurs gallees
et pristrent terre a Tremue a l’opposite de l’Es
cluse, il n’y a que la riviere entre deux, et
l’ardirent et le moustier aussi et des autres
villes plus avant en alant sus la marine
et sus les dicques lesquelles on appelle Tonne
hourque et Murnequer, et pristrent des gens
et des prisonniers sur le paÿs et furent la pb 314 v