The Online Froissart

Facsimile mode Settings Browse | Collate

pb 315 r

Flandres, de Hollandes, de Zellandes, trop
grandement sur mer en alant a Dour
drech, a Zeciel, a ~~led~~ Meledebourch et a la
Brielle en Hollande, et vous dy que aucuns
marcheans de Zereciel en Zellandes
avoient des vins en celle flotte qui veno
ient de La Rochelle lesquelz leur furent
tous renduz et delivréz et leurs dommaiges
restituéz, et bien y avoit cause que les An
gloys leur furent courtoys, car oncques
ceulx de Zeciel ne se vouldrent accorder
aux Françoys pour aler en Angleterre, et
leur distrent bien que ja nefs ne barges
n’y perdroyent, pourquoy ilz encheurent
grandement en la grace et amour des
Angloys. Si fut messire Jehan Buq mis
en prison courtoyse a Londres, il pouoit
aler et et venir parmy la ville, mais de
dens souleil couschant il couvenoit
que il feust a l’ostel, ne oncques depuis
on ne le voulst mettre a finance. Si en
eust le duc de Bourgoingne voulentiers
par eschange rendu le frere du roy Jehan
de Portingal, un bastart que ceulx de Bre
noliet pristrent sur la mer en venant
a Meldebourc, mais ilz pristrent sur
leur puissance, car sus les mettes de
Zellandes ilz ne l’eussent point prins.
Et me semble que messire Jehan Buq fut
emprisonné courtoysement a Londres
en Angleterre environ trois ans et
puis mourut.
SHF 3-134 sync Or est heure que nous retournons
aux besoingnes de Castille et de
Portingal et que nous parlions du duc
de Lancastre qui se tenoit en Gallice et
des besoingnes qui y advindrent en celle
sayson qui ne furent pas petites, et que
nous recordons aussi quel confort le roy
de France fist et envoya en Castille, car
sans ce les besoingnes du roy Jehan de

Castille se feussent petitement portees. Je vueil
bien que on saiche que il eust peust perdu
en celle annee que le duc arriva a La Calon
gne tout son paÿs entierement se il n’e
ust esté conforté des nobles du royaulme
de France qui y furent envoyéz du noble
roy de France. Vous sçavéz que nouvelles
sont tantost loing espandues. Le roy de Por
tingal sceut aussitost les nouvelles ou plus
tost du roy de France et de l’armee qui se de
voit faire par mer en Angleterre, car pour
les jours ilz sejournoyent au Port de Por
tingal qui est une bonne cité et la ou le ha
vre est un des beaulx et des bien frequentéz
de tout son royaulme que fist le duc de
Lancastre ou plus tost par les marcheans
qui retournoyent en son paÿs, si en fut
tout resjouy, car on lui donnoit a entendre
que Angleterre estoit toute perdue. Dont
au voir dire il s’estoit un petit dissimulé de
vers le duc de Lancastre de non sitost pren
dre sa fille en mariaige. Il avoit tousjours
tenu et servy le duc et la duchesce de salus
et de parolles. ¶ Quant il fut justement
informé du departement du roy de Fran
ce et du fait de l’Escluse, sy appella son con
seil et leur dist: "Beaulx seigneurs, vous sça
véz comment le duc de Lancastre est en
Gallice et la duchesce nostre cousine avecques
luy, et sy sçavéz comment il fut cy en grant
amour, et eusmes conseil et parlement
ensemble, et fut la fin telle de moy et de
luy et le traictié de nous et de nostre conseil
que je doy prendre a femme Phelippe sa fille.
Je vueil perseverer en cest estat et le vueil
mander, car c’est rayson honnourablement
en Gallice, ainsi comme il appartient
a un tel seigneur comme le duc de Lancas
tre est, et aussi moy qui suis roy de Por
tingal, car j’en vueil la dame faire royne. "
"Sire," respondirent ceulx a qui il en parloit, pb 315 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.