The Online Froissart

Facsimile mode Settings Browse | Collate

pb 318 r

et des seigneurs qui pouoient estre
environ trois cens lances et non plus.
Le demourant se loga aux champs,
mais ceulx qui dehors estoient demou
réz eurent largement des biens de
la ville et les seigneurs se logierent
dedens la ville et firent faire serment
aux bonnes gens de la ville de Maurez
ainsi comme il est cy dessusdit. SHF 3-138 sync Com
ment le duc de Lancastre manda l’ad
miral et le mareschal lesquelx con
queroient villes et chasteaulx en
Gallice pour estre aux nopces de sa
fille que le roy de Portingal espousa.
A l’andemain que la ville de Mau
rez en Gallice fut rendue et
que les chevaliers s’ordonnoient et appa
reilloient pour aler devant la cité
de Besances leur vindrent lettres et
nouvelles du duc de Lancastre et leur
mandoit que ces lettres veues, ou quel
estat ilz feussent ilz se partesissent
et retournassent devers luy, car il
attendoit dedens briefs jours l’arce
vesque de Braghes et messire Radiges
de Sar, les ambaxadeurs du roy de Por
tingal, lesquelz venoient a celle foiz
pour espouser sa fille et mener au
Port, la ou le roy l’attendoit. ¶ Quant
messire Jehan de Hollandes et le ma
reschal et l’admiral entendirent
ces nouvelles, si retournerent leur
chemin et distrent que voirement
appartenoit il bien que au recepvoir
les gens ambaxadeurs au roy de
Portingal le duc leur seigneur eust
ses gens et son conseil deléz luy. Si
se mistrent au retour et laissierent
garnisons es villes que ilz avoient con
quises et distrent que ilz n’en fero
ient plus jusques au may, et s’en

retournerent en la ville de Saint Jaques
ainsi que le duc les avoit mandéz. De
dens trois jours aprés que ilz furent
venuz vindrent l’arcevesque de Braghes
et messire Jehan de Radighes de Sar, et
descendirent a plus de deux cens che
vaulx dedens la ville de Saint Jaques.
Tous furent logiéz, car on avoit ordon
né pour eulx logier. ¶ Quant ilz fu
rent appareilléz, l’arcevesque et les che
valliers et encores des autres seigneurs
de leur compaignie se trayrent devers
le duc et la duchesce en bon arroy ou ilz
furent recueilliz a grant joye. ¶ Adonc
remonstrerent ilz ce pourquoy ilz esto
ient la venuz et le duc y entendi vou
lentiers, car de l’advancement de sa
fille devoit il estre tous resjouyz, et
aussi de l’alience que il avoit au roy
de Portingal qui bien lui venoit a point
ou cas que il vouloit entrer et conque
rir Castille. L’arcevesque monstra au
duc et a la duchesce et au conseil comment
par procuracion il pouoit et devoit per
sonnellement espouser ou nom du roy
Jehan de Castille Portingal madame
Phelippe de Lancastre fille au duc et tant que
le duc, la duchesce et leur conseil s’en con
tempterent et y adjousterent foy, dont
ens es jours que les ambaxadeurs de
Portingal sejournerent a Saint Jaques,
messire Jehan Radighes de Sar par la
vertu de la procuracion que il avoit, espou
sa madame Phelippe de Lancastre ou nom
et comme procureur du roy de Portingal
qui en ce l’avoit ordonné et institué, et la
espousa l’arcevesque de Braghes et furent
sus un lit courtoisement, ainsi comme
espoux et espousee doivent estre ce fut
fait. A l’andemain la dame atout son ar
roy preste pour partir, si party quant pb 318 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.