Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 322 r | Next
pb 322 r

lances et de bonnes gens d’armes, messire
Espaag de Lion; a Sauvedun, messire Cicart
de Saint Legier, a Masserez se tint mes
sire Pierre de Berne a cent lances, a Belle
put a l’entree de la conté de Foix messire
Pierre de Cabestain, a Saint Thibault sus
la Garonne messire Pierre Mennaulx
de Noualles a L lances, a Palamininch
messire Pierre de la Roce, ou chastel de
Lumeson le bastart d’Espaeing, a Mornens
messire Arnault Guillaumes atout
cent lances, a Pau messire Guy de Lamo
te, au Mont de Marsen, messire Ray
mond de Chastelneuf, a Sauveterre mess
messire Yvain de Foix, filz bastart du con
te, a Montesquier, messire Verdruc de Ne
besem, messire Jehan de Saincte Marsille
a Oron, messire Ettor de la Garde a Mont
garbiel, Jehan de Chastelneuf a Ertiel,
Jehan de Morelans. Et manda a messire
Raymond l’ainsné lequel avoit le chastel
de Mauvoisin en garde que il feust soin
gneux de toute la frontiere, et envoya
a Saint Gausens un sien cousin, Ernau
con d’Espaigne. Briefment, il ne demou
ra cité, ville ne chastel en Foix ne en Ber
ne qui ne feust rafreschi et pourveu
de gens d’armes. Il disoit que c’estoit as
séz pour attendre le double d’autres gens
d’armes, et se trouvoit bien garny de
deux mille lances et de XXM hommes
d’armes, tous d’eslite.
Les nouvelles vindrent a messire
Guillaume de Lignach qui se tenoit
a Thoulouze et a messire Gaultier de Pas
sac qui sejournoit a Carcassonne com
ment le conte de Foix se pourveoit de gens
d’armes et mettoit en garnisons par
tes ses forteresces. Et couroit renommee
que il ne lairoit passer nulluy parmy
sa terre. Si en furent ces deux chevaliers

pour tant que ilz estoient cappitaines de tous
les autres tous esbahiz, et se mistrent jour
nee de parler ensemble et chevauchierent
chascun pour trouver l’un l’autre ainsi que
ou mislieu du chemin, et vindrent ou chas
tel d’Auri et parlerent la ensemble du conte
de Foix comment ilz se cheviroient. Et dist
messire Guillaume a messire Gaultier:
"Au voir dire c’est merveille que le roy de
France et son conseil n’en ont escript a lui
pour ouvrir sa terre paisiblement." "Messire
Gaultier," dist messire Guillaume, "Il vous
fauldra aler parler a luy doulcement et
dire que nous sommes cy envoyéz depar
le roy de France pour passer nous et noz
gens paisiblement et payer ce que nous
prendrons. Sachiéz que le conte de Foix est
bien si grant que se il ne veulst, nous n’a
urons point de passaige parmy sa terre
et nous fauldra passer parmy Arragon
qui nous est trop long, et nous tourneroit
a trop grant contraire au voir dire. Je ne
sçay de qui il se doubte, ne pourqouy il gar
nist maintenant ses fors, ses villes ne ses
chasteaulx, ne se il a nulles aliances au
duc de Lancastre. Je vous prie, aléz jusques
la en sçavoir la verité. Tousjours passeront
noz gens jusques a Tarbe et jusques a Bi
gorre." "Je le vueil," dist messire Gaultier. Lors
prinst messire Gaultier et messire Guillaume
ces deux cappitaines congié l’un de l’autre.
Quant ilz orent disné ensemble, messire
Guillaume de Lingnac retourna a Thoulou
se, et messire Gaultier s’en vint atout XL
chevaulx tant seullement passer la Garon
ne a Saint Hiebault et trouva la messire
Mennault de Nouvalles qui luy fist grant
chiere, et se tint en garnison. Messire Gaul
tier luy demanda du conte, ou il le trouveroit.
Il luy dist que il estoit a Orcays. Ces deux
chevaliers furent une espace ensemble et parlerent pb 322 v