The Online Froissart

Facsimile mode Settings Browse | Collate

pb 323 v

de Foix demanda le vin. On l’apporta, si beut
et messire Gaultier de Passac et tous ceulx
qui la estoient, et puis fut prins le con
gié. Si rentra le conte en sa chambre, et
messire Gaultier retourna en son hostel
et l’accompagnerent les chevaliers de l’ostel
jusques a son soupper. Une heure largement
aprés mienuit messire Gaultier retour
na et souppa avecques luy. SHF 3-146 sync ¶ A l’ande
main aprés disner prist messire Gaul
tier de Passac congié du conte et le conte
luy donna, et au partir avecques tout ce
on luy presenta depar le conte un tres
bel coursier et une tresbelle mulle. Le chevalier,
c’est assavoir messire Gaultier, en remercia
le conte. Tout son arroy estoit prest, si mon
ta, et monterent ses gens et yssirent hors
d’Orcoys et vindrent gesir ce jour a Herciel,
et a l’andemain au soir ilz s’en allerent a
Tarbe. Car ilz chevaucherent ce jour gran
de journee pour avancier leur besoingne.
¶ Quant messire Gaultier fut venu a
Tarbe il s’arresta la et s’avisa que il mande
roit a messire Guillaume de Lingnach
tout son estat et comment il avoit avoit
exploittié devers le conte de Foix, ainsi que
il fist, et lui mandoit que il feyst traire
avant tout toutes toutes routes. Car ilz trou
veroient le paÿs de Berne et toutes les
villes du conte ouvertes en payant tout
ce que ilz prendroyent, et autrement non.
Le messagier qui apporta lettres depar mes
sire Gaultier exploitta tant qu’il vint a
Thoulouse, si fist son messaige. ¶ Quant
messire Guillaume ot leu le contenu des
lettres, si fist assavoir a tous cappitaines
des routes que on se meist au chemin, maiz
ce que on prendroit ne leveroit en la terre
du conte de Foix tout feust payé, autrement
on se prendroit aux cappitaines qui ad
menderoient le forfait, et fut sonné a la

trompette de logeys en logeys adfin que
tous en feussent advisiéz. ¶ Or se des
logierent toutes gens de la marche
de Thoulouse et de Carcassonne, de Limosin
et de Nerbonne, et se mistrent a chemin
pour entrer en Bigorre et estoient
plus de mille lances. Sy se party mes
sire Guillaume de Lingnach de Thoulou
se et prinst le chemin de Bigorre et ex
ploitta tant que il vint a Tarbe et la
trouva messire Gaultier son compai
gnon. Si se entrefirent bonne chiere,
ce fut rayson, et tousjours passoient
gens d’armes et routes, et s’assemblo
ient tous en Bigorre pour chevauchier
ensemble parmy Berne et le paÿs du
conte de Foix, et pour passer a Orcays
au point la riviere de Gave qui court
a Baione. SHF 3-147 sync ¶ Sitost que on ist du
paÿs de Berne on entre ou paÿs de Bas
cles ouquel paÿs le roy d’Angleterre
tient grant terre en l’arceveschié de
Bourdeaulx et en l’eveschié de Baione.
Siques les Basclois qui se tiennent et
tenoient lors du roy d’Angleterre, ou bien
sont quatre vins villes a clochiers, en
tendirent que les passaiges seroyent
parmy leur paÿs, si se doubtererent gran
dement des Françoys et de estre tous
couruz, ars et exilliéz. Car il n’avoit
sur tout le paÿs nulles gens d’armes
de leur cousté qui peust deffendre les
frontieres. Si se conseillerent ensem
ble les plus saiges et ceulx qui le plus
avoyent a perdre que ilz envoieroient
traittier devers les cappitaines souverains
et rachateroient leur paÿs. Sy en
voierent a Orcays IIII hommes lesquelz
estoient chargiéz du demourant du
paÿs a faire la paix. Ces quatre hommes
de Bascle compterent a Ernaucon du pb 324 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.