Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 324 r | Next
pb 324 r

Puy, un escuier du conte de Foix et gracieux
et saige homme ce pourquoy ilz estoient
la venuz, et que quant messire Guillaume
et messire Gaultier venront la et ilz y
venroient et devoient estre dedens deux
jours et que il voulsist estre avecques
eulx pour aydier a traittier, ilz distrent
que ilz y seroient voulentiers. La nuit
que les compaignons vindrent a Orcais
et se logierent a la Lune chiéz Arnaucon
du Puy, si leur ayda a faire a ceulx de
Bascles leurs traittiéz et paierent tout
comptant deux mille francs, et leur
paÿs fut deporté de non estre pilliéz ne
couruz. Encores leur fist le conte de
Foix et donnerent aux cappitaines a
disner et a messire Guillaume de Ling
nach un tresbeau coursier, et furent ce
jour a Orcays. A l’andemain ilz passerent
a Sauveterre et entrerent ou paÿs des
Bascles, lesquelz s’estoient rachatéz si
comme vous sçavéz. On prist des vivres
la ou on les pot trouver et passerent les
Françoys parmy sans faire autre dom
maige et s’en vindrent a Saint Jehan
du Pié des Pors a l’entree de Navarre.
SHF 3-148 sync Comment messire Thomas de Hollande
et messire Jehan de Roye firent un champ
de bataille a Besances devant le duc de
Lancastre.
Vous avéz bien ycy dessus ouy recor
der comment la ville de Besances
se mist en composicion devers le duc de
Lancastre et comment elle se rendy a
luy, car le roy de Castille ne la secoury
ne conforta en riens, et comment la
duchesce de Lancastre et sa fille vindrent
en la cité du Port en Portingal veoir le
roy et la royne, et aussi comment le roy
et les seigneurs les receurent lieement
et grandement, ce fut rayson. Or ad

vint, endementres que le duc de Lancastre
sejournoit en la ville de Besances que nou
velles s’avallerent ou Val d’Olif, et les
apporta un herault de France lequel
demanda quant il fut venu a Besances
l’ostel a messire Jehan de Hollandes, on luy
enseigna. Quant il fut la venu, il trou
va messire Jehan, si s’agnouilla devant
luy, et luy bailla unes lettres et lui dist en
baillant: "Sire, je suis un herault d’armes
que messire Regnault de Roye envoye cy
pardevers vous et vous salue, si vous play
se a lire ces lettres." Messire Jehan respon
di et dist: "Voulentiers, et tu soyes le bien
venu." Adonc ouvrit il les lettres et les li
sit, et contenoient que messire Regnault
luy prioit ou nom d’amours et de sa da
me que il lui voulsist delivrer de trois
cours de lances acerees a cheval, de trois
coups d’espee, de trois coups de dagues
et de trois coups de haches, et se il luy plai
soit a aler au Val d’Olif, il luy avoit pour
veu un saufconduit de LX chevaulx. Et
se il avoit plus chier a Besances, il luy
prioit que alant et retournant, lui XXXe,
il luy empetrast un saufconduit au duc
de Lancastre. Quant messire Jehan de
Hollandes ot leu les lettres, il commença
a rire et a regarder sus le herault, et lui
dist: "Compaings, tu soyes le bienvenu. Tu
m’as apporté nouvelles qui bien me plai
sent et je les acepte. Tu demourras en mon
hostel avecques mes gens et je te feray
responce dedens demain de sçavoir ou
les armes se feront, ou en Gallice ou en
Castille." Et celluy respondy: "Sire, Dieux y ait
part." Le herault demoura en l’os
tel messire Jehan de Hollandes; on le tint
tout ayse. Messire Jehan s’en vint devers
le duc, si le trouva et le mareschal par
lans ensemble. Il les salua et puis si leur pb 324 v