The Online Froissart

Facsimile mode Settings Browse | Collate

pb 326 v

querre, et puis chevaucheray celle part, et
ou je cuideray plus tost trouver mes anne
mis." Sus cest estat prinst congié le roy
de Portingal au duc de Lancastre et a la du
chesce, et aussi fist la royne Phelippe sa femme
et autant bien la jeune fille madamoisel
le Katherine, fille au duc et a la duchesce.
Car il fut ordonné que la guerre durant
et la saison tout avant la jeune fille se ten
droit, tout aval, avecques la royne sa suer
au Port de Portingal: elle ne pouoit estre
en meilleur garde, et la duchesce s’en retour
neroit en la ville de Saint Jaques en Galli
ce. Ainsi se porterent les ordonnances, et
s’en ala chascun ou il s’en devoit aler, le roy
de Portingal au Port et la duchesce en la
ville de Saint Jasques bien accompaignee
de chevaliers et d’escuiers. Et le duc demoura
a Besances et toutes ses gens avecques
luy ou la environ, et ordonnerent leurs
besoingnes pour chevauchier hastive
ment. Car ilz avoient grant desir de par
tir pour tant que on estoit ja ou jolys
moys d’avril que les herbes estoient ja
toutes meures en Gallice et en Castille,
et le blé en grain et les fleurs en fruit,
car le paÿs y est si chault que a l’entree
du mois de juing l’aoust y est passé. Si
se vouloient delivrer d’exploittier, et de
querre les armes endemantres que il
faisoit si beau temps et si souef, car c’estoit
grant plaisir que d’estre aux champs.
¶ Or parlerons nous un petit de l’ordon
nance des Françoys et du roy de Castille
autant bien que nous avons parlé des
Angloys. SHF 3-151 sync Comment messire Guillaume
de Lingnach et messire Gaultier de Passac
vindrent a l’ayde du roy de Castille et com
ment ilz eurent conseil, le roy et eulx,
comment ilz se maintenroient.
Vous sçavéz comment messire Gaul

tier de Lingnach et messie Guillaume de
Passac firent tant par saigement trai
tier que le conte de Foix laissa paisible
ment passer eulx et leurs routes par
my son paÿs de Berne pour aler en
Castille. ¶ Encores donna le dit con
te en droit don de sa bonne voulenté,
car il n’y estoit point tenu se il ne
vouloit, aux chevaliers et aux escuiers qui
passoient par la ville d’Orcais et qui
l’alerent veoir en son chastel et comp
ter des nouvelles grans dons et be
aulx, a l’un un cent, a l’autre deux cens,
a l’autre trente, a l’autre quarante, a
l’autre cinquante flourins selon ce
que ilz estoient. Et cousta bien au con
te de Foix le premier passaige, selon
ce que le tresorier depuis me dist a
Orcays, la somme de mille frans, sans
les chevaulx, les haguenees et les mul
les que il donna. ¶ Or prennéz le sei
gneur qui ce face ne qui le voulsist
faire. Au voir dire, tant en vueil je
bien encores dire, c’est dommaige que
un tel prince en vieillist ne muert.
Il n’a nulz marmouséz qui dient "Ostéz,
donnéz la, prendrés cy et prendrés la."
Nennil, nennil, oncques n’en ot nulz,
ne ja n’aura. Il fait tout de sa teste, car
il est naturellement saige. Si scet bien
donner ou il appartient, et prendre
aussi ou il appartient. Et quoyque
de ses dons et largesces faire il travail
le ses gens, c’est verité, car la reve
nue n’est pas si grande que il peust
donner les dons qu’il donne, bien tous
les ans LX mille frans, de tenir son
estat qui n’est pareil a nul autre, et de
assembler pour les doubtes des adven
tures le grant tresor que il assemble
et a assemblé puis trente ans, ou on pb 327 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.