Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 329 r | Next
pb 329 r

que tout le royaulme ne se perdeist
pour le roy a present, et sy en serions encoul
péz plus que les autres. Car on diroit
que nous arions fait faire la batail
taille et que nous ne sçavons donner
nul bon conseil. Encoires oultre, que
savons nous se tout ce paÿs est a
un, ne se ilz ont mandé couvertement
le duc de Lancastre et sa femme qui
se tient heritiere de Castille? Car elle
fut fille au roy dam Pietre, tous ceulx
du monde le scevent bien. Et se ilz
veoyent le duc et les Angloys sus
les champs qui demandent la cou
ronne de Castille et dient que ilz ont
juste cause, car le roy Jehan fut filz
au bastart, ilz se pourroyent tourner
en la fin, si comme ilz firent a la gros
se bataille de Narréz, et nous demour
rions mors ou pris sus les champs.
Siques il y a double perilz tant pour
le roy que pour nous. Ces folles gens
et oultragieuses qui luy conseillent
la bataille, pourquoy n’en parlent
ceulx qui y sont tenuz de parler, mes
sire Guillaume de Lingnach et mes
sire Gaultier de Passac?" "Pour ce," respon
dirent les autres, "que ilz veullent
sçavoir l’oppinion de tous. Car il ne
puet estre que on ne leur ait dit bien
au partir le conseil du roy et de Bour
bon quelle chose ilz doient faire, et
par rayson nous le saurons demain."
Si furent en plusieurs escrifs au
cuns chevaliers de France ce jour et ce soir,
et autretant bien d’autrepart estoy
ent les Espaignolz, et ne conseilloient
pas ceulx qui l’amoient le roy a com
batre par plusieurs raysons, car
se il combatoit et la journee estoit
contre luy, sans recouvrier il perdroit

son royaulme. Et le roy tenoit bien aussy
ce propos et ressoingnoit les fortunes,
et ne sçavoit pas, ne sçavoir ne pouoit,
tous les couraiges de ses hommes ne les
quelz l’amoyent ne lesquelz non. Si de
moura la chose jusques a l’andemain
que tous retournerent au palais du
roy et entrerent en parlement.
En ce parlement ot plusieurs parol
les les dittes et retournees, car chascun
a son pouoir vouloyt le roy Jehan loyaul
ment conseiller. Et bien veoyent et con
gnoissoient les plusieurs que il ne s’en
clinoit pas trop grandement a la ba
taille, car il lui souvenoit souvent
de la dure journee que il avoit eue a Jube
roce ou le roy de Portingal le desconfist
et ou il prinst si grant dommaige, que
ce il avoit l’adventure pareille, il perdroit
son royaulme. Quant on ot alé tout
autour et que on avoit a chascun deman
dé ce que bon l’en sembloit ne veoit, on
dist a messire Guillaume de Lingnach
et a messire Gaultier de Passac que ilz
en deissent leur entente, car par eulx
se devoit tout ordonner ou cas que ilz es
toient leurs souverains cappitaines
et la envoyéz depar le roy de France et
son conseil. Ces deux chevaliers regarde
rent l’un l’autre, et dist messire Gaul
tier: "Messire Guillaume, non feray, maiz
parléz vous, car vous estes plus uséz
d’armes que je ne soie." Dont il couvint
messire Guillaume parler, car il estoit ad
visié comment il devoit parler, et dist:
"Sire roy vous devéz, ce m’est advis, gran
dement remercier la noble chevallerie
de France qui vous est venu veoir et ser
vir de sy loing. En oultre ilz ne mons
trent pas que ilz ayent affeccion ne
voulenté de eulx enclorre ne eulx enferpb 329 v