Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 32 r | Next
pb 32 rXXXII

ilz estoient arrivéz a Calais tant de gens
d’armes comme d’archiers et leur de
livroit le roy passaige a ses frazis. Si vin
drent a Douvres et passerent petit a
petit et arriverent a Calays et mistrent
plus de XV jours a passer ainçoys que
ilz feussent venuz98. Bien veoyent ceulz
de Bouloingne que grans gens d’armes
yssoient hors d’Angleterre et passoient
la mer et arrivoyent a Calays. Si le
signiffierent sur le paÿs et par toutes
les garnisons affin qu’ilz ne feussent
surpris. Lors que les nouvelles furent
sceues en Bouloingnoys, en Therouen
noys et en la conté de Guynes, si se
advisierent chevalier et escuier du paÿs
et firent traire ens es fors tout ce que
leurs gens avoyent se ilz ne le vouloient
perdre, et les cappitaines telz que le cap
pitaine de Bouloingne, le cappitaine d’Ar
dre, de la Montoire, d’Esprolecque, de Tour
nehem, de Hames, de Lisques et des cha
steaulx sur les frontieres qu’entendirent
grandement a pourveoir leurs lieux,
car bien savoient puisque les Angloys
passoyent a telz flotes que ilz aroient
l’assault. Les nouvelles du passaige
furent signifiees au roy Charles de
France qui se tenoit a Paris. Sy en
voya tantost devers le seigneur de
Coucy qui estoit a Saint Quentin que
il se pourveist de gens d’armes, sy s’en
alast en Picardie, et reconfortast les
villes, les cités et les chasteaulx, le sire
de Coucy obeÿ au commandement du
roy, ce fut raison, et resveilla chevaliers et
escuiers d’Artoys, de Vermendoys et de
Picardie, et fist son mandement a Pe
ronne en Vermendoys. Et estoit cappi
taine d’Arde pour ce temps le sire de
Saintpy et de Bouloingne messire Jehan
de Louvilliers, demonstrerent ilz sus la

mer messire Jehan de Fosseux. Sy arriva
a Calais, trois jours devant le Madag
laine ou moys de juillet, le conte de Bou
kinghem en l’an de Grace Nostre Seigneur
mil IIIC et IIIIXX99. SHF 2-141 sync Comment le conte de Boukinhem
et les Anglois se partirent de Calais, et de
l’ordonnance qu’ilz avoient en chevauchant.
Quant le conte de Boukinghem fut
arrivéz a Calays, li compaignon
en orent grant joye. Car bien savoient
que point longuement ne sejourneroyent
la que ilz n’alassent en leur voyaige100. Le
conte se refreschy deux jours a Calais
et au tiers jour partirent et se mistrent
sur les champs et pristrent le chemin de
Marghingne. Or est il droiz que je vous
nomme les bannerés et les pennonciers
qui la estoient, premierement le conte
Thomas de Boukinghem, le conte d’Escau
fort qui avoit sa niepce espousee fille
au seigneur de Coucy101, le conte Duvestre.
Aprés chevauchoient banieres desployees
le sire Latiniers qui estoit connestable
de l’ost, et puis le sire de Fillattier, mares
chal. Aprés, le sire de Basset le seigneur
de Boursier le seigneur de Ferrieres, le sei
gneur de Morlays, le seigneur d’Arsy, messire
Guillaume de Windesore, messire Hue de
Cavrellee, messire Robert Canolle, messire
Hue de Hastingues, messire Hugue de la
Sence. A pennon, messire Thomas de Persi,
messire Thomas Trivet, messire Guillaume
Cluton, messire Yon de Fil Warin, messire
Hugue Toriel, le seigneur de Warthin,
messire Eustace, messire Jehan Harleston,
messire Guillaume de Fermiton, messire
Guillaume de Briane, messire Guillaume
Draiton, messire Guillaume Fraubre, messire
Jehan et messire Nicole d’Aubrecicourt,
messire Jehan Masse, messire Thomas
Camois, messire Raoul, filz du seigneur
de Neufville, messire Henry de Ferrieres, pb 32 v