Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 332 r | Next
pb 332 r

n’avons nulluy veuz de noz annemis
venir en ce paÿs. A quelle fin mettrions
nous oultre et serions grevéz, et sy n’a
vons riens fait?" "Ouyl, ouyl," disoient
aucuns. " On parle a l’arcevesque d’Iorth,
le conseilleur du roy, au duc d’Irlande
qui a eu LX mille frans du connes
table de France pour la redempcion
de Jehan de Bretaigne. Cel argent la
deust avoir esté tourné au prouffit
du commun d’Angleterre. On parle
a messire Symon Burlé, a messire Guil
laume Hellem, a messire Thomas Trivet,
a messire Nicholas Brambre, a messire
Robert Trivilien, a messire Mahieu
de la Poulle, a messire Jehan de Sallebery,
a messire Jehan de Beauchamp, qui ont
gouverné le roy et le royaulme. Se ceulx
rendoient compte des levees que ilz ont
fait en Angleterre, ou se on leur faisoit
rendre, le menu puepple demouroit
en paix, et si seront les froiz payéz
que on doit, et sy auroit en or et argent
asséz de demourant." Quant ces
parolles furent ouvertes et mises a
vant, les oncles du roy en furent gran
dement resjouys, car c’estoit pour eulx
que on parloit. Car tous ceulx que
j’ay nomméz leur estoient trop durs
et ne pouoient avoir riens en la court
du roy pour eulx. Sy ayderent a re
mettre sus ces parolles, et pour en
trer en la grace du puepple, et commen
cierent a dire: "Ces bonnes gens qui ain
si parlent sont bien conseilléz se ilz
veullent avoir compte, et se ilz se def
fendent de non paier, car voirement
doit avoir en la bourse du roy, ou de
ceulx qui l’ont gouverné, grant finan
ce." Petit a petit ces parolles se monteplie
rent et le puepple qui se deffendoit de

non estre taillié, ne le royaulme. Aussi
s’enhardyt grandement de parler et de
deffendre quant ilz virent que les oncles
du roy estoient de leur accord et les aydo
ient a soustenir, et l’arcevesque de Cantor
bie, le conte de Sallebery, le conte de Nor
thombrelande et plusieurs barons d’An
gleterre. Dont fut dissimulee celle tail
le, et fut dit que on n’en feroit riens pour
celle sayson jusques a la Saint Michiel
qui retourneroit; chevaliers et escuiers qui
cuidoient avoir argent et or n’en orent
point, dont ilz se contempterent mal
sus le roy et son conseil. On les appaisa
de ce que on pot. Le conseil se departy, l’un
s’en ala la, et l’autre ça. Le roy ne prinst
point congié a ses oncles, ne ses oncles
a luy. Le roy fut conseillié que il s’en a
last en la marche de Galles et la se tenist
un temps, tant que autres nouvelles
lui vensissent. Il respondy: "Je le vueil." Si
se departy de Londres sans prendre con
gié a nulluy, et emmena en sa compai
gnie tout son conseil, les dessuz nomméz
excepté l’arcevesque d’Yorth qui s’en ala
arrieres en son paÿs sus son arceveschié.
Dont trop bien luy chey, car se il eust esté
avecques les autres, je croy que on eust
fait de luy ce que on fist de tout le conseil
du roy si comme je vous recorderay tem
prement en l’istoire. Mais aussi fault
il parler de France comme d’Angleterre
quant la matiere le requiert. SHF 3-158 sync Comment
le connestable de France et plusieurs autres
s’appareilloient pour aler en Angleterre
conquerir villes et chasteaulx.
Quant la doulce sayson d’esté fut venue
et ce jolys moys de may que on comp
ta en ce temps en l’an de grace Nostre Seigneur
mille trois cens IIIIXX et VII, endementres
que le duc de Lancastre estoit en Gallice pb 332 v