qu’a point, je vouldroye bailler mon gai
ge et mettre oultre." Nul ne respondit a
ceste parolle, ne le roy ne autres. Dont
dist le connestable: "Treschier sire et noble
roy, il est advenu en Bretaigne que en
vostre office faisant, le duc de Bretaigne m’a
prins et tenu en son chastel de l’Ermine
et voulu mettre a mort sans rayson fors
que de son grant couraige et oultraige tres
grant et voulenté. Et l’eust fait de fait se
Dieu et beau frere de Laval ne m’eussent
aydié. Pourquoy et par laquelle chose
et prise il a couvenu, se je me vouloie oster
ne delivrer de ses mains, que je luy aye
baillé et delivré une mienne meilleur
ville en Bretaigne et trois fors chaste
aulx, et avecques tout ce en deniers ap
pareilléz la somme de cent mille frans.
Pourquoy, treschier sire et noble roy, le
blasme et le dommaige que le duc de Bre
taigne m’a fait regarde grandement
a vostre magesté royalle. Car le voyaige
de mer ou moy et mes compaignons es
perions a aler en est rompu et brisié.
Sy vous rens l’office de la connestablie,
et y pourveéz tel qu’il vous plaira, car
je ne m’en vueil plus chargier, ne nulle
honneur je n’en auroie de faire." "Con
nestable", dist le roy, "nous sçavons bien
que on vous a fait blasme et dommaige,
et que ce est grandement en nostre prejudice
et de nostre royaulme. Si manderons tem
prement noz pers de France et regarde
rons quelle chose s’ensuivra. Et ne vous
en sousciéz, car vous en auréz droit et ray
son, et comment que il se doye prendre
ne advenir." Adonc prinst le connesta
ble par la main et le fist lever, et dist: "Connesta
ble, nous ne voulons pas que vous
partiéz de vostre office ainsi, mais vou
lons que vous en usiéz tant que nous pb 339 v